Sharad Pawar: पटेल-तटकरे राष्ट्रवादी हायजॅक करत होते? शरद पवारांनी एका वाक्यात प्रकरण काढलं निकाली!

"उमेदवार देणं हा त्या पक्षाचा विषय आहे. काँग्रेस एक राजकीय पक्ष आहे, तो त्यांचा अधिकार आहे,  त्यावर फार चर्चा करण्याची गरज नाही. बिनविरोध करा अस म्हणायचं पण काही कारण नाही. लोकशाहीत निवडणूक लढवण्याचा अधिकार आहे. मागच्या निवडणुकीत सुप्रिया विरुद्ध सुनेत्रा अशी झाली होती,  तेंव्हा सुप्रिया सुळे निवडून आल्या होत्या. सुप्रिया यांची चौथी निवडणूक होतीकाँग्रेसला बोलण्याची काय गरज आहे,  राजकारणात येणारी लोक लोकांची काम करण्यासाठी येतात, अजित पवार लोकांची काम करत होते. त्यांचा आदर आहे, हे मान्य केलं आहे ते जाण्याचं दुःख कुटुंब म्हणून आम्हाला सगळ्यांना आहे. कुटुंबात एक पद्धत आहे, कुटुंब प्रमुख त्याची बाकीची भूमिका मांडली जाते, ती राजकीय नसते. आज ती जबाबदारी माझी होती. त्यामुळे आम्ही ठरवलं आपल्याकडून उमेदवारी द्यायची नाही. आता समोर कुणीतरी लढेल हे मान्य करूनच निवडणुकीत उभं राहावं लागतं, अशी प्रतिक्रिया शरद पवार यांनी दिली.

राष्ट्रवादी पक्षात उपमुख्यमंत्री सुनेत्रा पवार यांचं पद असलेलं पत्र मोठ्या प्रमाणात व्हायरल झालं होतं. या पत्रात केवळ सुनेत्रा पवार आणि शिवाजीराव गर्जे यांच्या नावापुढे पद आहे. बाकीच्या नेत्यांच्या नावांपुढे नाही. याचा खुलासा जरी पार्थ पवार यांनी केला असला तरी या पत्राची तारीख महत्त्वाची आहे जी २६ फेब्रुवारी २०२६ . निवडणूक आयोगाला एक पत्र राष्ट्रवादीने १० मार्च २०२६ रोजी लिहिलं होतं. एक पत्र १६ फेब्रुवारीला लिहिले होतं. या सगळ्या पत्रांमुळे घोळात घोळ झाला होता.