Panchak 2026: दर्श अमावस्या-सूर्यग्रहण असतानाच पंचक लागणार; सलग 5 दिवस घातक परिणाम, अलर्ट

मुंबई : हिंदू धर्मात अनेक शुभ-अशुभ गोष्टींविषयी सांगण्यात आले आहे. दर महिन्याला असे काही दिवस येतात ज्यांना पंचक म्हटलं जातं. या दिवसात कोणतंही शुभ कार्य करणं टाळावं, कारण हा काळ अशुभ मानला जातो. पंचकाचं महत्त्व हे नक्षत्रांवर आणि ते कोणत्या वारी सुरू होत यावर अवलंबून असते. उदाहरणार्थ, मंगळवारी सुरू होणाऱ्या पंचकाला अग्नी पंचक म्हणतात आणि यामध्ये आगीशी संबंधित कामात सावधगिरी बाळगावी लागते. तसेच शनिवारी सुरू होणारं पंचक हे मृत्यू पंचक असतं, त्याला सर्वात जास्त अशुभ मानलं जातं. यावेळचं पंचक 17 फेब्रुवारी 2026, मंगळवारी सकाळी 09:05 वाजता सुरू होऊन 21 फेब्रुवारी 2026, शनिवारी संध्याकाळी 07:07 वाजता संपेल. फेब्रुवारी महिन्याचं हे पंचक मंगळवारी सुरू होत असल्यामुळे याला अग्नी पंचक म्हटलं जाईल.