शनिवारी ऑफिसला येण्याची जबरदस्ती, नाही तर 3 दिवसांचा पगार कट, कंपनीत सक्तीच्या हॅकाथॉनवरून राडा

पोस्टनुसार कर्मचाऱ्यांना अंतर्गत मेलद्वारे कळवण्यात आले की 28 मार्च रोजी सकाळी 8 ते रात्री 8 या वेळेत होणाऱ्या AI हॅकाथॉनला उपस्थिती सक्तीचे आहे. उपस्थित राहणाऱ्यांना 1.5 दिवसांची अतिरिक्त रजा दिली जाईल. मात्र कार्यक्रमाला गैरहजर राहिल्यास मार्चच्या पगारातून 3 दिवसांचा LWP (Leave Without Pay) कापला जाईल.

ऑनलाइन शेअर केलेल्या नोटीसमध्ये कंपनीची ओळख लपवण्यात आली होती. या नोटीसमध्ये हॅकाथॉनला नवीन कौशल्ये शिकण्याची, इनोव्हेशन करण्याची आणि AI क्षमतांचे प्रदर्शन करण्याची अनोखी संधी असे संबोधण्यात आले होते. कर्मचाऱ्यांना “रिअल-वर्ल्ड AI प्रोजेक्ट्स वर काम करण्यासाठी टीममध्ये विभागले जाणार होते.

advertisement

कार्यक्रमादरम्यान जेवणाची व्यवस्था आणि उत्कृष्ट कामगिरी करणाऱ्यांना बक्षिसे देण्याचेही आश्वासन देण्यात आले होते. मात्र नोटीसमध्ये गैरहजेरीबाबत कठोर अट स्पष्टपणे नमूद होती. जर कोणी उपस्थित राहू शकत नसेल, तर मार्चच्या पगारातून 3 दिवसांची रजा (LWP) कापली जाईल.

ही नोटीस Reddit वर शेअर करणाऱ्या कर्मचाऱ्याने कोणत्याही कारवाईशिवाय हॅकाथॉन टाळता येईल का, याबाबत सल्ला मागितला. हे ‘अपस्किलिंग’ म्हणत आहेत, पण प्रत्यक्षात हे जबरदस्तीचे वीकेंड काम वाटते, असे त्याने म्हटले.

‘अपस्किलिंग की जबरदस्ती?’

Reddit वरील अनेक युजर्सनी अशा पगार कपातीच्या कायदेशीरतेवर प्रश्न उपस्थित केले. एका युजरने याला शिकण्याच्या नावाखाली जबरदस्तीचे वीकेंड काम असे संबोधले आणि असेही नमूद केले की, अनुपस्थितीच्या दिवसांपेक्षा जास्त पगार कपात करणे Payment of Wages Act चे उल्लंघन असू शकते. ते तुम्ही प्रत्यक्ष काम केलेल्या दिवसांचा पगार कापू शकत नाहीत, असे त्या युजरने लिहिले आणि कायदेशीर सल्ला घेण्याचा सल्ला दिला.

काहींनी अधिक व्यावहारिक दृष्टिकोन मांडला आणि संभाव्य अप्रत्यक्ष परिणामांची शक्यता व्यक्त केली. जर तुम्ही गेला नाहीत, तर फक्त 3 दिवसांचा LWPच कापला जाणार नाही, तर layoffs च्या वेळी तुम्ही पहिल्या यादीत असू शकता, असे एका कमेंटमध्ये म्हटले होते. तसेच अनेक कंपन्या वीकेंड कार्यक्रमांसाठी भरपाईची रजा देत नाहीत, असेही काहींनी नमूद केले.

काही युझर्सनी असेही म्हटले आहे की, उपस्थिती अनिवार्य असली तरी सक्रिय सहभाग बंधनकारक नाही. जा, बसा, खा आणि आराम करा. उपस्थिती अनिवार्य आहे, जिंकणे नाही, असा सल्ला एका युजरने दिला. नोटीसमध्ये उत्पादकतेबाबत स्पष्ट अट नसल्याकडेही त्यांनी लक्ष वेधले.