TRENDING:दैवशाला घोळवे यांनी सांगितलं की, त्यांच्या कुटुंबाचा हा पारंपरिक व्यवसाय गेल्या चार पिढ्यांपासून सुरू आहे. दुसरे कोणतेही उत्पन्नाचे साधन नसल्यामुळे संपूर्ण कुटुंब या व्यवसायावरच अवलंबून आहे. या कामामध्ये प्रचंड मेहनत घ्यावी लागते. लाकूड आणण्यापासून ते कापणे, आकार देणे आणि अंतिम रूप देणे या प्रत्येक प्रक्रियेस वेळ आणि कौशल्य लागते.
Success Story: करिअर कशात करायचं? डेअरिंग केलं अन् 16 हजाराची नोकरी सोडली, आज कमाई 15 लाख, Video
advertisement
जेवढी मेहनत या वस्तू बनवण्यामागे लागते त्याप्रमाणे पैसे मिळत नसल्याची खंत त्यांनी व्यक्त केली. साधारणपणे व्यवसायासाठी एक लाख रुपयांची गुंतवणूक करावी लागते. त्या गुंतवणुकीतून महिन्याला सुमारे दोन लाख रुपयांची उलाढाल होते. सर्व खर्च वजा केल्यानंतर महिन्याकाठी सुमारे 50 ते 60 हजार रुपयांचा निव्वळ नफा मिळत असल्याची माहिती त्यांनी दिली.
लाकडी वस्तूंना देश-विदेशातून मागणी
दैवशाला घोळवे यांनी तयार केलेल्या लाकडी वस्तूंना राज्यभरातून मोठ्या प्रमाणात मागणी आहे. पुण्यात भरल्या जाणाऱ्या भीमथडी जत्रा येथे त्यांच्या स्टॉलवरील वस्तूंचा एका ग्राहकाने काढलेला व्हिडिओ सोशल मीडियावर मोठ्या प्रमाणात व्हायरल झाला. हा व्हिडिओ व्हायरल झाल्यानंतर त्यांच्या उत्पादनांना परदेशातूनही मागणी येऊ लागली. विशेषत काटवट, पळपुट, बेलन आणि इतर पारंपरिक लाकडी वस्तूंना ग्राहकांची पसंती मिळत आहे. घोळवे यांनी इंडोनेशिया, अमेरिका आणि लंडनसारख्या ठिकाणी आपली उत्पादने पाठवली असून, पारंपरिक कौशल्याच्या जोरावर त्यांनी आंतरराष्ट्रीय बाजारपेठेतही आपली ओळख निर्माण केली आहे.