TRENDING:आंतरराष्ट्रीय तणावाचा परिणाम सराफा बाजारात
सोने व्यावसायिक सुरेश चौधरी यांनी सांगितले की, युद्धाच्या पार्श्वभूमीवर सोने आणि चांदीच्या दरांमध्ये मोठी चढ-उतार पाहायला मिळाली. युद्ध सुरू होण्यापूर्वी 24 कॅरेट सोन्याचा दर साधारण एक लाख 58 ते 59 हजार रुपयांच्या आसपास होता. मात्र तणाव वाढल्यानंतर सोन्याच्या दरात जवळपास 7 ते 8 हजार रुपयांची वाढ झाली आणि तो एक लाख 68 हजार रुपयांपर्यंत पोहोचला. चांदीच्या दरातही मोठी वाढ झाली होती. चांदी सुमारे दोन लाख 70 हजार रुपये किलोच्या आसपास होती, ती काही दिवसांत तीन लाखांच्या जवळपास पोहोचली होती. मात्र गेल्या काही दिवसांपासून सोने आणि चांदीच्या दरांमध्ये पुन्हा काही प्रमाणात घसरण पाहायला मिळत आहे.
advertisement
लग्नानंतर नोकरी सोडली, पण जिद्द नाही; तिनं घरातूनच सुरू केला बिझनेस, आता बक्कळ कमाई
सध्या सोन्याचा दर तोळ्यामागे सुमारे 1 लाख 59 हजार रुपये आहे, तर चांदीचा दर 2 लाख 68 हजार रुपये किलोच्या आसपास आहे. युद्धाच्या पहिल्या दिवशी सोने आणि चांदीच्या दरांमध्ये मोठी वाढ पाहायला मिळाली होती. मात्र त्यानंतर काही प्रमाणात घसरण झाली. सध्या बाजारात सोने-चांदीच्या दरांमध्ये फार मोठी हालचाल नसून भाव स्थिर असल्याचेही त्यांनी सांगितले. मात्र पुढील काळात युद्धाची परिस्थिती कायम राहिली तर दर पुन्हा वाढण्याची शक्यता आहे. त्यामुळे गुढीपाडव्याच्या पार्श्वभूमीवर ज्यांना सोने खरेदी करायचे आहे, त्यांच्यासाठी सध्या चांगली संधी असल्याचेही चौधरी यांनी सांगितले.