आज युद्धाचा १५ दिवस अन् सोन्या चांदीच्या दरात झाली मोठी घरसण! बाजारभाव काय?

आंतरराष्ट्रीय बाजारातील COMEX वर सोन्याच्या किमतीत मोठी घसरण झाली. अमेरिकेत शुक्रवारी झालेल्या व्यवहारांमध्ये सोन्याचा दर १०२ डॉलर्सपेक्षा अधिक घसरला. जवळपास २ टक्क्यांच्या घसरणीनंतर सोन्याचा दर ५,०२३ डॉलर्स प्रति औंस इतका नोंदवला गेला. चांदीच्या किमतीतही मोठी घसरण दिसून आली असून ती सुमारे ५.२५ टक्क्यांनी कमी झाली.

देशांतर्गत बाजारातही याचा परिणाम दिसून आला. Multi Commodity Exchange (MCX) वर १३ मार्च रोजी रात्रीपर्यंत चांदीच्या किमतीत मोठी घसरण झाली. चांदीचा दर तब्बल ८,६८३ रुपयांनी कमी होऊन प्रति किलो २,५९,२७९ रुपयांवर आला. दुसरीकडे सोने सुमारे १,५८,४०० रुपये प्रति १० ग्रॅम दराने व्यवहार करत होते.

advertisement

देशांतर्गत बाजारातील दर

सध्या देशांतर्गत बाजारात स्पॉट गोल्डचा दर सुमारे १.५८ लाख रुपये प्रति १० ग्रॅम आहे, तर चांदीचा दर जवळपास २.६० लाख रुपये प्रति किलो आहे. मध्यपूर्वेतील तणाव आणि जागतिक बाजारातील अस्थिरता यामुळे गुंतवणूकदारांनी सावध भूमिका घेतल्याने दरांमध्ये घसरण झाली असल्याचे तज्ज्ञांचे मत आहे.

India Bullion and Jewellers Association (IBJA) च्या आकडेवारीनुसार, शुक्रवारी चांदीचा दर प्रति किलो २६०,४८८ रुपये होता. गुरुवारी तो २६८,३०१ रुपये होता. म्हणजेच एका दिवसात चांदीच्या किमतीत सुमारे ७,८१३ रुपयांची घसरण झाली.

सोन्याचे कॅरेटप्रमाणे दर

IBJA च्या माहितीनुसार २४ कॅरेट सोन्याचा दर प्रति १० ग्रॅम १,५८,३९९ रुपये झाला आहे. गुरुवारी हा दर १,६०,३०३ रुपये होता. त्यामुळे एका दिवसात सोन्याच्या किमतीत १,९०४ रुपयांची घट झाली.

२२ कॅरेट सोन्याची किंमत सध्या प्रति १० ग्रॅम १,४५,०९३ रुपये आहे. तर १८ कॅरेट सोन्याचा दर प्रति १० ग्रॅम १,१८,७९९ रुपये इतका नोंदवला गेला आहे.

प्रमुख शहरांमधील सोन्याचे दर काय आहे?

देशातील विविध शहरांमध्ये सोन्याच्या किमतीत थोडाफार फरक दिसून येतो. चेन्नईमध्ये २४ कॅरेट सोन्याचा दर प्रति १० ग्रॅम सुमारे १,६१,०२० रुपये आहे. मुंबई, कोलकाता, बेंगळुरू, हैदराबाद, केरळ आणि पुणे येथे तो सुमारे १,५९,६६० रुपये आहे.

दिल्ली, जयपूर आणि लखनऊमध्ये २४ कॅरेट सोन्याचा दर प्रति १० ग्रॅम सुमारे १,५९,८१० रुपये आहे, तर वडोदरा आणि अहमदाबादमध्ये तो जवळपास १,५९,७१० रुपये आहे.

२२ कॅरेट सोन्याच्या दागिन्यांच्या बाबतीत चेन्नईमध्ये प्रति १० ग्रॅम सुमारे १,४७,६०० रुपये दर आहे. मुंबई, कोलकाता, बेंगळुरू, हैदराबाद, केरळ आणि पुणे येथे हा दर सुमारे १,४६,३५० रुपये आहे. दिल्ली, जयपूर आणि लखनऊमध्ये १,४६,५०० रुपये तर वडोदरा आणि अहमदाबादमध्ये सुमारे १,४६,४०० रुपये दर नोंदवला गेला आहे.