सोनं अजून किती स्वस्त होणार? नवा आकडा समोर आला, आता खरेदी करायची की आणखी स्वस्त होण्याची वाट पाहायची

घसरणीची प्रमुख कारणे

अहवालानुसार या घसरणीमागे अनेक महत्त्वाचे मॅक्रो-इकॉनॉमिक घटक कारणीभूत आहेत. यात ETF आउटफ्लो, मजबूत डॉलर आणि वाढणारे बॉन्ड यील्ड्स यांचा समावेश आहे. तसेच अमेरिकेच्या फेडरल रिझर्व्हच्या कडक धोरणामुळेही दबाव वाढला आहे. 2026 मध्ये व्याजदर कपातीच्या अपेक्षा कमी झाल्या असून दरवाढीच्या चर्चाही सुरू आहेत. त्यामुळे सोने आणि चांदीसारख्या non-yielding assets चे आकर्षण कमी होत आहे.

advertisement

किमती किती खाली जाऊ शकतात?

अहवालानुसार आंतरराष्ट्रीय बाजारात सोन्यासाठी $4,000 हा महत्त्वाचा सपोर्ट स्तर असून $3,450 हा मजबूत सपोर्ट मानला जातो. तर $5,180 हा रेजिस्टन्स स्तर आहे. देशांतर्गत बाजारात सोन्यासाठी 1,15,000 ते 1,20,000 दरम्यान सपोर्ट असून 1,50,000 च्या आसपास रेजिस्टन्स आहे. त्यामुळे घसरण वाढल्यास सोने 1,20,000 पर्यंत येऊ शकते. मात्र त्यापेक्षा खाली जाण्याची शक्यता सध्या कमी मानली जात आहे.

चांदीच्या बाबतीत आंतरराष्ट्रीय बाजारात $52 हा सपोर्ट आणि $85 हा रेजिस्टन्स आहे. देशांतर्गत बाजारात चांदीसाठी 1,75,000 सपोर्ट तर 2,75,000 रेजिस्टन्स मानला जात आहे.

गोल्ड-सिल्वर रेश्योचा संकेत

अहवालात असेही नमूद करण्यात आले आहे की गोल्ड-सिल्वर रेश्यो 65 वरून वाढून 70–75 पर्यंत जाऊ शकतो. याचा अर्थ येत्या काळात चांदीची कामगिरी सोन्याच्या तुलनेत कमजोर राहण्याची शक्यता आहे.

जागतिक आर्थिक परिस्थितीत सुधारणा होत नाही आणि व्याजदर, डॉलर व महागाईशी संबंधित संकेत स्थिर होत नाहीत तोपर्यंत सोने आणि चांदीवर दबाव कायम राहू शकतो. बाजाराची दिशा प्रामुख्याने फेडच्या धोरणांवर आणि जागतिक संकेतांवर अवलंबून राहणार असून नजीकच्या भविष्यात स्थिरतेचे संकेत मर्यादितच दिसत आहेत.