TRENDING:
त्या ६० मिनिटांत नेमकं काय घडलं?
२ मार्चच्या सकाळपर्यंत सोन्या-चांदीच्या बाजारात मोठी तेजी होती. सकाळी ८:२६ वाजता सोने ५,४२५ डॉलर्स प्रति औंस या उच्चांकी स्तरावर होते. मात्र, त्यानंतर अचानक विक्रीचा सपाटा सुरू झाला. सकाळी ११:०६ वाजेपर्यंत सोन्याचा भाव प्रति औंस ५,२९६ डॉलर्सवर कोसळला. विशेष म्हणजे, यातील १०० डॉलर्सची घसरण केवळ ६० मिनिटांत झाली. सोन्याचे मूल्य २.०५ टक्क्यांनी घसरून ७५० अब्ज डॉलर्सचे नुकसान झाले, तर चांदी ८८ डॉलर्स प्रति औंसपर्यंत (७ टक्क्यांची घसरण) खाली आल्याने ३७० अब्ज डॉलर्सचे मूल्य पुसले गेले.
advertisement
चार्टवर दिसली रेड कँडल..
बाजार विश्लेषकांच्या मते, ही घसरण एखाद्या 'क्लासिक रिव्हर्सल'सारखी होती. चार्टवर सकाळी ९ नंतर सलग Red Candles तयार झाली. जेव्हा मोठे फंड्स एकत्रितपणे आपली पोझिशन विकतात किंवा 'मार्जिन कॉल' ट्रिगर होतात, तेव्हा अशी स्थिती निर्माण होते. 'अल्गोरिदमिक ट्रेडिंग'मुळे या विक्रीचा वेग अधिकच वाढला आणि किमती सरळ खाली आल्या.
आज सकाळची स्थिती काय?
सोमवारी झालेल्या तीव्र घसरणीनंतर ३ मार्च रोजी सकाळी बाजाराने पुन्हा सावरण्याचे संकेत दिले आहेत. सोन्याच्या किमतीत १ टक्क्याची वाढ होऊन भाव पुन्हा ५,४०० डॉलर्स प्रति औंसवर पोहोचले आहेत. या अनपेक्षित चढ-उतारामुळे सामान्य गुंतवणूकदारांपासून ते मोठ्या संस्थांपर्यंत सर्वांचेच लक्ष आता जागतिक घडामोडींकडे लागले आहे.