उद्या बाजार ओपन होताच मोठी उलथापालथ, धाकधूक वाढली; शेअर खरेदी करण्याआधी 5 गोष्टी तपासा

बाजारावर परिणाम करणारे घटक

पश्चिम आशियातील सुरू असलेला संघर्ष आणि कच्च्या तेलाच्या किंमती (Crude Oil Price) यासंबंधी घडामोडी गुंतवणूकदारांच्या भावनांवर परिणाम करत राहतील. विश्लेषकांच्या मते हेच घटक बाजाराची दिशा ठरवतील. याशिवाय जागतिक बाजारातील ट्रेंड, परदेशी गुंतवणूकदारांची हालचाल आणि रुपया-डॉलरचा दर यांचाही इक्विटी बाजारावर प्रभाव राहणार आहे.

महत्त्वाचे आर्थिक आकडे जाहीर होणार

advertisement

तज्ज्ञांच्या मते हा आठवडा आर्थिक डेटाच्या दृष्टीने महत्त्वाचा ठरणार आहे. पश्चिम आशियातील संघर्ष आणि कच्च्या तेलाच्या किंमती हे प्रमुख बाह्य घटक राहतील. देशांतर्गत पातळीवर गुंतवणूकदारांचे लक्ष HSBC फ्लॅश PMI डेटावर राहील. ज्यामध्ये मॅन्युफॅक्चरिंग, सर्व्हिस आणि कंपोझिट क्षेत्रांचा समावेश आहे. हा डेटा व्यावसायिक क्रियाकलापांचा प्राथमिक अंदाज देईल.

विदेशी गुंतवणूकदारांनी काढले मोठे पैसे

या महिन्यात आतापर्यंत परदेशी गुंतवणूकदारांनी भारतीय शेअर्समधून सुमारे 88,180 कोटी रुपये काढले आहेत. यामागे पश्चिम आशियातील वाढता तणाव, रुपयातील कमजोरी आणि कच्च्या तेलाच्या वाढलेल्या किंमती कारणीभूत मानल्या जात आहेत.

तज्ज्ञांच्या मते पुढील काळातही बाजारात मोठ्या प्रमाणात चढ-उतार दिसू शकतात आणि घडामोडींनुसार बाजाराची दिशा ठरेल. विशेषतः Strait of Hormuz परिसरातील परिस्थिती अत्यंत महत्त्वाची ठरणार आहे. जर येथे दीर्घकाळ अडथळा निर्माण झाला, तर तेलाच्या किंमती $100 पेक्षा जास्त जाऊ शकतात. यामुळे महागाई वाढण्याची शक्यता असून चालू खात्यावरही दबाव येऊ शकतो. तसेच गुंतवणूकदारांमध्ये जोखीम टाळण्याची प्रवृत्ती वाढू शकते.

तज्ज्ञांनी सांगितले की FII फ्लो, रुपया, अमेरिकन डॉलरची मजबुती आणि जागतिक संकेत हे घटक निर्णायक ठरणार आहेत. जर तणाव कमी झाला किंवा तेलाच्या किंमती घसरल्या, तर बाजाराला दिलासा मिळू शकतो. परंतु तणाव वाढल्यास बाजारावर आणखी घसरणीचा दबाव निर्माण होऊ शकतो.