TRENDING:
इराण विरुद्ध इस्रायल सुरू असलेल्या युद्धाची झळ थेट खिशाला बसू लागली आहे. अमेरिकेचे राष्ट्राध्यक्ष डोनाल्ड ट्रम्प यांच्या एका विधानानंतर क्रूड ऑइलचे दर कोसळले. क्रूड ऑइलचा भाव 130 डॉलरकडे जाईल असं वाटत होतं, तो आता थेट 80 डॉलरच्या खाली आला. हे सगळं असलं तरीसुद्धा अजून संकट टळलेलं नाही. याचं कारण म्हणजे LPG-PNG गॅस पुरवठा मर्यादित आहे. त्यामुळे कर्मशियल गॅस पुरवठा बंद ठेवण्यात आला आहे.
advertisement
डोनाल्ड ट्रम्प यांनी स्पष्ट शब्दांत सांगितलं की, इराणचं प्रकरण आता संपत आलंय, त्यांच्याकडे आता लढण्यासारखं काही उरलेलं नाही. ट्रम्प यांच्या या कॉन्फिडन्समुळे बाजारातली भीती पळाली आणि तेलाचे भाव कोसळले. शिवाय, रशियाकडून तेल घेण्याचे मार्ग मोकळे करण्याचे संकेतही त्यांनी दिलेत. यामुळे पेंट, टायर आणि विमान कंपन्यांचे मालक खुश झालेत, पण सामान्य माणसाच्या पदरात काय पडलं?
जगभरात तेल स्वस्त होत असताना आपल्याकडे काही शहरात कंपन्यांनी गुपचूप १०-२० पैसे वाढवून दिलेत. मुंबईत आजही भाव स्थिर असले तरी, इतर शहरात मात्र पेट्रोल डिझेलच्या दरात अस्थिरता आहे. काही ठिकाणी दर वाढले आहेत. लखनऊ आणि गाझियाबाद, पटना, बिहारमध्ये 20 ते 31 पैशांनी दरवाढ करण्यात आली आहे. त्याचा थेट फटका ग्राहकांच्या खिशाला बसला आहे.
| शहर | पेट्रोल दर |
| परभणी | 105.5 |
| रत्नागिरी | 105.5 |
| सिंधुदुर्ग | 105.5 |
| यवतमाळ | 105.5 |
| नांदेड | 105.49 |
| लातूर | 105.42 |
| सोलापूर | 105.1 |
| वाशिम | 104.9 |
| नंदुरबार | 104.81 |
| सातारा | 104.76 |
| वर्धा | 104.76 |
| कोल्हापूर | 104.73 |
| धुळे | 104.62 |
| पालघर | 104.42 |
| नाशिक | 104.4 |
| पुणे | 104.22 |
| चंद्रपूर | 104.1 |
| नागपूर | 104.05 |
| मुंबई | 103.54 |
सर्वात महाग पेट्रोल परभणी, रत्नागिरी, सिंधुदुर्ग आणि यवतमाळमध्ये पेट्रोलचा दर सर्वाधिक १०५.५० रुपये आहे. सर्वात स्वस्त पेट्रोल राजधानी मुंबईत पेट्रोल सर्वात स्वस्त असून त्याचा दर १०३.५४ रुपये आहे. मुंबई आणि परभणीच्या दरात प्रति लीटर १.९६ रुपयांचा फरक आहे.