TRENDING:
AI मुळे घेतला कठीण निर्णय
जॅक डॉर्सी यांनी सोशल मीडिया प्लॅटफॉर्म 'X' वर एक सविस्तर पोस्ट शेअर करून या निर्णयाची माहिती दिली. त्यांनी सांगितले की, आर्टिफिशिअल इंटेलिजन्सचा (AI) वाढता वापर आणि कंपनीचा खर्च कमी करणे हे या कपाती मागचे मुख्य कारण आहे. या निर्णयामुळे कंपनीतील कर्मचाऱ्यांची संख्या 10,000 वरून थेट 6,000 च्या खाली येणार आहे.
advertisement
बाधित कर्मचाऱ्यांसाठी भरघोस पॅकेज
ज्या कर्मचाऱ्यांना कामावरून काढले जात आहे, त्यांच्यासाठी कंपनीने मदतीचा हात पुढे केला आहे. त्यांना खालील फायदे मिळतील.
पगार: 20 आठवड्यांचा आगाऊ पगार अधिक कंपनीत घालवलेल्या प्रत्येक वर्षासाठी 1 आठवड्याचा अतिरिक्त पगार.
आरोग्य विमा: पुढील 6 महिन्यांसाठी आरोग्य विम्याची सुविधा.
आर्थिक मदत: या बदलाच्या काळात मदत म्हणून 5,000 डॉलर्स (सुमारे 4.55 लाख रुपये) दिले जातील.
साधने: कर्मचाऱ्यांना त्यांचे कॉर्पोरेट लॅपटॉप आणि इतर उपकरणे स्वतःकडे ठेवण्याची परवानगी असेल.
हकालपट्टी का केली?
डॉर्सी यांनी पत्रात लिहिले आहे की, आमचा व्यवसाय धोक्यात आहे म्हणून आम्ही हा निर्णय घेतलेला नाही. आमचा नफा वाढत आहे आणि ग्राहकही वाढत आहेत. परंतु AI मुळे कामाची पद्धत बदलली आहे. आता लहान टीम्सच्या मदतीने मोठी कामे करणे शक्य झाले आहे. हळूहळू नोकरकपाती करून कर्मचाऱ्यांचे मनोबल तोडण्यापेक्षा, मी एकदाच कडक आणि प्रामाणिक निर्णय घेण्याचे ठरवले आहे.
निरोप देण्याची पद्धत
इतर कंपन्यांप्रमाणे कर्मचाऱ्यांचे ईमेल आयडी अचानक बंद न करता, डॉर्सी यांनी त्यांना निरोप देण्यासाठी वेळ दिला आहे. गुरुवार संध्याकाळपर्यंत कंपनीचे कम्युनिकेशन चॅनेल्स (Slack आणि Email) सुरू राहतील, जेणेकरून कर्मचारी एकमेकांना निरोप देऊ शकतील. डॉर्सी स्वतः एका लाईव्ह व्हिडिओ सेशनद्वारे कर्मचाऱ्यांचे आभार मानणार आहेत.
पुढी काय?
जॅक डॉर्सी यांनी 2009 मध्ये 'स्क्वेअर' नावाने ही कंपनी सुरू केली होती, जिचे नाव 2021 मध्ये बदलून 'ब्लॉक' करण्यात आले. या संपूर्ण पुनर्रचना प्रक्रियेसाठी कंपनीला 500 दशलक्ष डॉलर्स (सुमारे 4,552 कोटी रुपये) खर्च येणार आहे. भविष्यात कंपनी आपल्या प्रत्येक कामात AI (इंटेलिजन्स) चा वापर करण्यावर भर देणार असल्याचे त्यांनी स्पष्ट केले.