महायुती सरकारची लोकप्रिय योजना मुख्यमंत्री माझी लाडकी बहिण योजना सध्या KYC च्या प्रक्रियेमध्ये अडकली आहे. लाखो लाडक्या बहिणींना आता KYC प्रक्रियेतून जावं लागत आहे. या दरम्यान अनेक बहिणी या अपात्र झाल्या आहेत. पण आता ऑक्टोबर महिन्याचा हफ्ता कधी वितरीत होणार याची माहिती आदिती तटकरेंनी दिली.
मुख्यमंत्री माझी लाडकी बहीण योजनेच्या सर्व पात्र लाभार्थ्यांना ऑक्टोबर महिन्याचा सन्मान निधी वितरित करण्याच्या प्रक्रियेस उद्यापासून सुरुवात होत आहे. लवकरच योजनेतील सर्व पात्र लाभार्थ्यांच्या आधार संलग्नित बँक खात्यात सन्मान निधी वितरित होणार आहे, अशी माहिती आदिती तटकरेंनी दिली.
advertisement
'E-KYC लवकर करा'
तसंच, महाराष्ट्रातील माता-भगिनींच्या अखंड विश्वासाने सुरू असलेली सक्षमीकरणाची ही क्रांती यशस्वीरित्या मार्गक्रमण करत आहे. ही वाटचाल अशीच अखंडपणे सुरू ठेवण्यासाठी मागील महिन्यापासून https://ladakibahin.maharashtra.gov.in या संकेतस्थळावर E-KYC सुविधा उपलब्ध करून देण्यात आली आहे. सर्व लाडक्या बहिणींनी 18 नोव्हेंबरचा आधी E-KYC प्रक्रिया पूर्ण करावी, असं आवाहनही तटकरेंनी केलं.
KYC कधी पर्यंत करायचं?
दरम्यान, लाडकी बहिण योजनेसाठी KYC अनिवार्य केली आहे. पण मधल्या काळात KYC करत असताना अनेक अडचणींना सामना करावा लागत होता. E-KYC करताना OTP चं येत नसल्याचं उघड झालं होतं. अनेक महिलांनी याबद्दल तक्रार केली होती. त्यानंतर आदिती तटकरे यांना याची दखल घेतली. तांत्रिक अडचण दूर होऊन E-KYC प्रक्रिया अधिक सुलभ आणि सुकर करण्यात आली आहे. आता १९ नोव्हेंबरपर्यंत KYC करणे बंधनकारक असणार आहे.