या पार्श्वभूमीवर Quant Mutual Fund चे संस्थापक संदीप टंडन यांनी मात्र वेगळे मत व्यक्त केले आहे. टंडन यांच्या मते, 5-10 वर्षांचा दीर्घकालीन दृष्टिकोन असेल, तर स्मॉल आणि मिडकॅपमध्ये नक्कीच गुंतवणूक करावी. ते लाइव्ह मिंटला दिलेल्या मुलाखतीत बोलत होते. इतिहास पाहिला तर स्पष्ट होते की 3, 5 किंवा 10 वर्षांत स्मॉल आणि मिडकॅप शेअर्सनी लार्जकॅप शेअर्सच्या तुलनेत चांगला परतावा दिला आहे. मात्र, ज्यांना केवळ 1 वर्षाचा टार्गेट ठेवायचा आहे, त्यांनी मोठ्या लार्जकॅप किंवा मेगा लार्जकॅप शेअर्समध्ये गुंतवणूक करावी, असेही ते म्हणाले.
advertisement
शेअर बाजारापासून दूर राहणे शहाणपणाचे; भविष्यवाणी ऐकून गुंतवणूकदारांना बसेल धक्का
गुंतवणुकीची नवी रणनीती Sell on Rally
संदीप टंडन यांनी आणखी एका महत्त्वाच्या गोष्टीकडे लक्ष वेधले. यापूर्वी गुंतवणूकदार Buy on Dip या रणनीतीचा अवलंब करत होते. पण आता हे चित्र बदलत चालले आहे. गुंतवणूकदार Sell on Rally ही पद्धत वापरत आहेत.
टंडन यांच्या मते, अनेक गुंतवणूकदार बाजार तेजीत येताच आपली गुंतवणूक विकून नफा मिळवण्याचा विचार करत आहेत. यामागे मार्च महिन्यातील आर्थिक वर्षाचा शेवट हा मोठा कारणीभूत घटक आहे. त्यामुळे मार्चच्या अखेरीस बाजारात मोठ्या प्रमाणात विक्री दिसून येऊ शकते. मात्र 15 एप्रिलनंतर पुन्हा खरेदी वाढण्याची शक्यता आहे.
2008 पेक्षा वाईट ठरू शकते 2025! गुंतवलेले पैसे आताच काढून घ्या, नाही तर…
गुंतवणूकदारांनी काय करावे?
-दीर्घकालीन गुंतवणूकदारांसाठी: 5-10 वर्षांचा कालावधी ठेवून स्मॉल आणि मिडकॅप शेअर्समध्ये गुंतवणूक फायदेशीर ठरू शकते.
-कमी कालावधीसाठी गुंतवणूक करणाऱ्यांसाठी: फक्त लार्जकॅप आणि मेगा लार्जकॅप शेअर्सचा विचार करावा.
-मार्च अखेरीस बाजारात अस्थिरता राहील, मात्र एप्रिलनंतर तेजी येऊ शकते.
-शेअर बाजारातील तज्ज्ञांचे मत वेगवेगळे असल्याने गुंतवणूकदारांनी घाईगडबड न करता स्वतःच्या आर्थिक उद्दिष्टांनुसार निर्णय घ्यावा, असे सुचवले जात आहे.