गेल्या सहा महिन्यांत कंपनीच्या शेअर्सच्या किमती 68 टक्क्यांनी वाढल्या आहेत. Trendlyne डेटानुसार, बजाज स्टील इंडस्ट्रीज लिमिटेडने फक्त सहा महिन्यांत गुंतवणुकदारांचे पैसे दुप्पट केले आहेत. या काळात कंपनीच्या शेअर्सच्या किमती 128 टक्क्यांनी वाढल्या आहेत. ज्या गुंतवणुकदारांनी एक वर्षापासून स्टॉक होल्ड केले आहेत त्यांना आतापर्यंत 176 टक्के नफा मिळाला आहे.
बीएसईमध्ये मंगळवारी (29 ऑक्टोबर) मार्केट बंद झालं तेव्हा कंपनीचे शेअर्स 2939.65 रुपयांच्या पातळीवर होते. आदल्या दिवशी कंपनीच्या शेअर्सने 2973.70 रुपयांची पातळी गाठली होती. कंपनीची 52 आठवड्यांतील उच्च पातळी 3,499.75 रुपये आहे आणि 52 आठवड्यांतील नीचांकी पातळी 1018 रुपये आहे.
advertisement
12 नोव्हेंबर रेकॉर्ड डेट
कंपनीने 29 ऑक्टोबर रोजी शेअर मार्केट दिलेल्या माहितीत म्हटलं आहे की, पात्र गुंतवणुकदारांना प्रत्येक एका शेअरमागे तीन शेअर बोनस म्हणून दिले जातील. कंपनीने या बोनस इश्युसाठी 12 नोव्हेंबरचा (मंगळवार) दिवस निश्चित केला आहे. बीएसई डेटानुसार, बजाज स्टील इंडस्ट्रीज लिमिटेड पहिल्यांदाच गुंतवणुकदारांना बोनस शेअर्सचं वाटप करणार आहे.
बजाज स्टील इंडस्ट्रीजने ठराविक काळानंतर आपल्या गुंतवणुकदारांना लाभांश (डिव्हिडंड) वाटप केलेलं आहे. कंपनीने शेवटचा एक्स-डिव्हिडंड ऑगस्ट महिन्यात दिला होता. तेव्हा कंपनीने एका शेअरवर तीन रुपये डिव्हिडंड दिला होता. कंपनीने 2023 मध्ये देखील पात्र गुंतवणुकदारांना एका शेअरवर तीन रुपये डिव्हिडंड दिला होता.
ही कंपनी लेझर कटिंग मशीन आणि इतर औद्योगिक उपकरणांची निर्मिती करणारी भारतातील अग्रगण्य कंपनी आहे. उत्पादनाच्या उच्च गुणवत्तेमुळे परदेशातील मार्केटमध्ये देखील बजाज स्टील इंडस्ट्रीजने ओळख निर्माण केलेली आहे.