नेहमीच मॅगी खाऊन कंटाळा आलाय? बनवा खास भेळ, रेसिपीचा संपूर्ण Video

एक वाटी मॅगी, मॅगी मसाला, टोमॅटो केचप, चाट मसाला, लाल तिखट, लिंबाचा रस, मीठ, कोथिंबीर, हिरवी मिरची, टोमॅटो आणि कांदा एवढेच साहित्य याकरता तुम्हाला लागणार आहे.

सर्वप्रथम एका पॅनमध्ये एक चमचा तेल टाका आणि त्यामध्ये मॅगी टाका. मॅगी ब्राऊन कलर येईपर्यंत फ्राय करा. त्यानंतर गॅस बंद करावा. हे थंड झाल्यानंतर यामध्ये आता आपण जे घेतलेले मसाले आहेत ते टाकणार आहोत. साधारणपणे अर्धा चमचा लाल तिखट, अर्धा चमचा चाट मसाला, एक चमचाभर मॅगी मसाला, लिंबाचा रस, टोमॅटो केचप, टोमॅटो, हिरवी मिरची आणि कांदा हे टाकून घ्यायचे. याला एकत्र एकजीव करून घ्यायचे आणि त्यानंतर यावरून हिरवी कोथिंबीर टाकायची आहे. (एक चमचा म्हणजे तुम्ही पोहे खायचा चमचा न घेता जो छोटा चमचा आहे तो आपला तो घेऊन प्रमाण घ्यायचा आहे.)