बँकेच्या चेकवर का मारल्या जातात दोन रेषा, 99% लोकांना नसेल माहीत हे कारण

बँकेच्या चेकवर दोन रेषा मारणं का असतं महत्त्वाचं?

तुम्ही चेकच्या वरच्या बाजूला डाव्या कोपऱ्यात मारलेल्या दोन रेषा (Meaning And Importance Of Two Lines On Cheque) कधीतरी पाहिल्या असतील. कधीतरी कदाचित तुम्हीही असं केलं असेल, पण त्याचा अर्थ अनेकांना माहीत नसतो. निगोशिएबल इंस्ट्रूमेंट्स ॲक्ट 1881 च्या सेक्शन 123 अंतर्गत, चेकच्या लेफ्ट कॉर्नरवर मारलेल्या दोन रेषांच्या माध्यमातून चेक देणारा बँकेला हे सांगतो की हा ‘क्रॉस चेक’ (Cross Cheque) आहे. या चेकची खास गोष्ट म्हणजे तो देऊन तुम्ही कोणत्याही बँकेतून कॅश काढू शकत नाही.

advertisement

फक्त अकाउंटमध्ये होतं पेमेंट

कोणत्याही चेकला क्रॉस केल्यास त्याचा अर्थ असा होतो की त्या चेकद्वारे फक्त बँक अकाउंटमध्ये पेमेंट होऊ शकतं. हे पेमेंट त्याच व्यक्तीला केलं जाईल, ज्याचं नाव चेकवर लिहिलं असेल. याशिवाय ज्याच्या नावावर हा चेक आहे, ती व्यक्ती चेक एंडोर्स करू शकते, पण त्यासाठी तिला त्या चेकच्या मागे सही करणं गरजेचं असतं.

जनरल क्रॉसिंग

क्रॉस चेक अनेक प्रकारचे असतात. पहिलं जनरल क्रॉसिंग आहे, ज्यामध्ये चेकच्या वरच्या डाव्या कोपऱ्यात दोन रेषा मारल्या जातात.

स्पेशल क्रॉसिंग

स्पेशल क्रॉसिंग तेव्हा केलं जातं, जेव्हा चेक देणाऱ्याला वाटतं की ज्या व्यक्तीला तो पैसे देत आहे, ते पैसे तिच्या किंवा तिच्याशी संबंधित कोणत्याही खास व्यक्तीच्या बँक अकाउंटमध्ये जायला हवेत.

अकाउंट पेई क्रॉसिंग

जर चेकवर क्रॉसिंग लाइन्सच्या मधोमध अकाउंट पेयी (A/C Payee) असं लिहिलं तर याचा अर्थ असा होतो की, या चेकवर नाव असलेल्या व्यक्तीच्याच अकाउंटमध्ये जमा होऊ शकतात. अकाउंट पेई चेक इतर कोणत्याही व्यक्तीला कॅश करता येत नाही.