Iran Hormuz : ''आमच्याकडे पुरेसा तेलसाठा, इतर देशांनी... '','होर्मुझ'वरून ट्रम्प यांनी हात झटकले, जगाचं टेन्शन वाढलं

वॉशिंग्टन : अमेरिका आणि इस्रायलने इराणविरोधात युद्ध सुरू करून महिना उलटला आहे. मात्र, हा संघर्ष आणखीच तीव्र होत आहे. युद्ध सुरू झाल्यानंतर इराणे अमेरिका-इस्रायलवर जोरदार पलटवार केला. त्याशिवाय, इराणने आपल्या नियंत्रणातील होर्मुझ सामुद्रधुनीतून जलवाहतूक बंद केली. याच्या परिणामी जगभरातील तेल, गॅस पुरवठा खंडित झाला. इराणविरोधात युद्ध पुकारणाऱ्या अमेरिकेने होर्मुझ सामुद्रधुनी खुली करण्याबाबत आता हात झटकले आहेत. राष्ट्राध्यक्ष डोनाल्ड ट्रम्प यांनी आजच्या पत्रकार परिषदेत संकेत दिलेत. ट्रम्प यांच्या या घोषणेमुळे आंतरराष्ट्रीय बाजारातील कच्च्या तेलाच्या किंमती वाढण्याची भीती आहे.