संयुक्त राष्ट्र व्यापार आणि विकास संघटनेने (UNCTAD) बुधवारी आपला ‘Trade and Development Report Update 2025’ अहवाल जारी केला. या अहवालात म्हटले आहे की 2025 मध्ये जागतिक आर्थिक विकास दर घटून केवळ 2.3% पर्यंत खाली येऊ शकतो. याचे मुख्य कारण जगभरातील वाढती आर्थिक अनिश्चितता, व्यापार धोरणातील बदल आणि आर्थिक अस्थिरता आहे.
advertisement
चीनचा अमेरिकेला सर्वात मोठा झटका; सप्लायर्स विश्वास बसणार नाही असा गौप्यस्फोट
भारताच्या विकासाची ताकद
अहवालात नमूद केले आहे की भारतात आर्थिक वाढ सुरू राहील. कारण सरकार सार्वजनिक खर्चात वाढ करत आहे आणि रिझर्व्ह बँकेने फेब्रुवारीमध्ये रेपो दरात 0.25% ची कपात केली आहे. यामुळे केवळ देशांतर्गत वापरालाच आधार मिळणार नाही. तर खाजगी गुंतवणुकीतही वाढ होण्याची अपेक्षा आहे. जरी 2024 च्या 6.9% च्या तुलनेत 2025 मध्ये विकास दर थोडा कमी असेल. तरीही भारताची स्थिती मजबूत राहील.
Gold Price: एका तासात सोन्याच्या भावात झाली अभूतपूर्व घटना, बाजारात खळबळ
दक्षिण आशियालाही मिळणार दिलासा
UNCTAD च्या अंदाजानुसार, संपूर्ण दक्षिण आशियामध्ये 2025 चा विकास दर 5.6% राहण्याची शक्यता आहे. याचे कारण महागाईत झालेली घट आणि कमकुवत आर्थिक धोरणे आहेत. ज्यामुळे अर्थव्यवस्थेला आधार मिळेल. तथापि पाकिस्तान, बांगलादेश आणि श्रीलंका यांसारखे काही देश मोठ्या कर्जाच्या बोजाखाली आणि महागड्या अन्नपदार्थामुळे दबावात राहू शकतात.
संयुक्त राष्ट्रांचा सल्ला
UNCTAD ने म्हटले आहे की, जागतिक अर्थव्यवस्थेला मंदीपासून वाचवण्यासाठी देशांदरम्यान धोरणांचे उत्तम समन्वय, पारदर्शक व्यापार करार आणि परस्पर सहकार्य आवश्यक आहे. अहवालात असेही नमूद केले आहे की व्यापार तणाव आणि अस्थिर धोरणांमुळे गुंतवणुकीचा वेग मंदावत आहे. ज्यामुळे रोजगारावर परिणाम होत आहे.