Navi Mumbai : ''आई, येतो मी"; घरातून बाहेर पडले पण...; ऐरोलीतील हृदय पिळवटून टाकणारी घटना

शेवटचा निरोप ठरला कायमचा

ऐरोलीमधून सध्या समोर आलेल्या अपघाताच्या घटनेने सर्वत्र हळहळ व्यक्त करण्यात येत आहे. या घडलेल्या अपघातात दोन तरुणांचा जागीच मृत्यू झालेला आहे. मिळालेल्या माहितीनुसार, ऐरोली सेक्टर 14 परिसरात असलेल्या एका शाळेसमोरच हा अपघात शुक्रवारी सकाळी घडला. या प्रकरणी सध्या पोलिसांनी जेसीबी चालकाविरोद्धात गुन्हा दाखल करण्यात आलेला असून पुढील तपास सुरु आहे.

advertisement

नेमका अपघात घडला कसा?

घटनेदिवशी जेसीबी चालक हनुमंत शिंदे (वय29)हा वाहन घेऊन रस्ता ओलांडत होता. त्याच दरम्यान समोरुन येणाऱ्या मोटारसायकलला त्याची जोरदार धडक बसली. ही धडक इतकी भीषण होती की त्या धडकेत मोटारसायकलवर असलेल्या दोघांचा जागीच मृत्यू झाला.

या अपघातात दिग्विजय दिंडे आणि हर्षद सावर्डेकर अशी मृत्यू झालेल्या तरुणांची नावे आहेत. घटनेची माहिती मिळताच पोलिस घटनास्थळी दाखल झाले. त्यांनी घटनास्थळाचा आढावा घेऊन मृतदेह पुढील तपासासाठी पाठवले.