TRENDING:
स्वतःच्या फायद्यासाठी पती-पत्नीचे भयानक कांड
मिळालेल्या माहितीनुसार, बोरीवली परिसरात फ्लॅट खरेदीच्या नावाखाली सुमारे 60 लाख रुपयांची फसवणूक झाल्याचा प्रकार समोर आला आहे. या प्रकरणी गणेश केशव रहाटे आणि सविता गणेश रहाटे या पती-पत्नीविरुद्ध बोरिवली पोलिस स्थानकात गुन्हा दाखल करण्यात आला असून पुढील तपास सुरू आहे.
तक्रारदार हे बोरिवली येथे राहतात एका वरिष्ठ पदावर कार्यरत आहेत. त्यांच्या मेहुणी आणि साडू यांनी न्यू एमएचबी कॉलनीतील एका सोसायटीमध्ये आरोपींकडून एक फ्लॅट खरेदी केला होता. फ्लॅट आणि मेंटेनन्ससाठी त्यांनी सुमारे 60 लाख रुपये आरोपींना दिले होते.
advertisement
या गोष्टीने संशय बळावला
मात्र पूर्ण पैसे देऊनही फ्लॅटचा ताबा देण्यात आला नाही. त्यामुळे संशय आल्याने तक्रारदारांनी सोसायटीमध्ये चौकशी केली असता धक्कादायक माहिती समोर आली. गणेश रहाटे यांनी संबंधित फ्लॅटवर एका खासगी बँकेतून 35 लाखांचे गृहकर्ज घेतले होते. विशेष म्हणजे तो फ्लॅट त्यांच्या मालकीचा नव्हता तर ते दोघेही त्या ठिकाणी भाडेकरू म्हणून राहत होते.
हा प्रकार उघड झाल्यानंतर पीडितांनी दिंडोशी सत्र न्यायालय येथे याचिका दाखल केली असून त्यावर सुनावणी सुरू आहे. तसेच बोरिवली पोलिसांकडेही अधिकृत तक्रार देण्यात आली आहे.