TRENDING:
गोरेगाव पूर्वेतील फिल्म सिटी मार्गावरील उड्डाणपुलाच्या पोहोच रस्त्याजवळ 750 मिलीमीटर व्यासाची जलवाहिनी आहे. या वळविलेल्या जलवाहिनीच्या छेद जोडणीचे काम मंगळवारी, 10 मार्चला सकाळी 9 ते बुधवारी, 11 मार्चला सकाळी 9 या वेळेत करण्यात येणार आहे. त्यामुळे 'पी पूर्व' आणि 'पी दक्षिण'च्या काही भागांत पाणीपुरवठा पूर्णपणे बंद राहील.
advertisement
या भागात पाणीपुरवठा बंद
'पी पूर्व' विभागातील शिवशाही प्रकल्प, श्रीकृष्ण नगर आणि इंदिरा गांधी संशोधन संस्था परिसरात पाणीपुरवठा पूर्णपणे बंद राहील. तर पी दक्षिण' विभागातील सॅटेलाईट टॉवर, संतोषनगर, माळीनगर, हबळे पाडा, उमरशेट पाडा, नगरमोडे पाडा, सुनील मैदान तसेच फिल्म सिटी मार्गालगतच्या भागात पाणीपुरवठा बंद राहणार आहे.
या भागात कमी दाबाने पुरवठा
10 मार्च रोजी मोहन गोखले मार्ग, कृष्णा वाटिका मार्ग, साई मार्ग आणि आर्य भास्कर मार्ग या भागांत कमी दाबाने पाणीपुरवठा होण्याची शक्यता आहे. त्यामुळे नागरिकांना पाणी जपून वापरावं लागेल. तसेच गैरसोय टाळण्यासाठी पाण्याचा पुरेसा साठा आणि काटकसरीने वापर करावा, असे आवाहन महापालिकेने केले आहे.