रेमंडचे मालक गौतम सिंघानिया यांची स्पीडबोट समुद्रात पलटली, एअरलिफ्ट केले, मुंबईत उपचार सुरू;अपघातात 2 जण बेपत्ता

या अपघाताच्या वेळी बोटीत सिंघानिया यांच्यासह आणखी 6 जण होते. त्यापैकी एक भारतीय नागरिकासह दोन जण अद्याप बेपत्ता असल्याची माहिती समोर आली आहे. बचावकार्य सुरू असून त्यांचा शोध घेतला जात आहे.

गौतम सिंघानिया हे रेमंड ग्रुपचे चेअरमन आणि मॅनेजिंग डायरेक्टर आहेत. त्यांची एकूण संपत्ती सुमारे 11 हजार कोटी रुपयांच्या आसपास असल्याचे सांगितले जाते. रेमंड ग्रुपचा व्यवसाय कपडे, डेनिम, कन्झ्युमर केअर, इंजिनिअरिंग आणि रिअल इस्टेट अशा विविध क्षेत्रांमध्ये पसरलेला आहे.

advertisement

तयार कपड्यांच्या बाजारात रेमंडची अव्वल स्थानी आहे. तसेच डेनिम क्षेत्रातही ही कंपनी अग्रगण्य उत्पादकांपैकी एक असून उच्च दर्जाचे डेनिम उत्पादनासाठी ती ओळखली जाते.