मिहीर शाह वरळीतील अपघातानंतर फरार झाला होता. त्यानंतर पोलिसांनी सापळा रचत त्याला शहापूरच्या माशाअल्ला रिसॉर्टमधून अटक केली आहे. त्याच्यासोबत या रिसॉर्टमध्ये आणखी 12 जणांवर अटकेची कारवाई करण्यात आली आहे. अटक केलेल्या या 12 जणांमध्ये मिहीर शाहची आई आणि बहिणीचा देखील समावेश आहे. या सर्वांनी मिहीर शाहला पळून जाण्यासाठी मदत केल्याचा आरोप त्यांच्यावर आहे.
advertisement
वरळी हिट अँड रन प्रकरणी प्रमुख आरोपी मिहीर शाह याला मंगळवारी रात्री उशिरा अटक करण्यात आली. मिहीर शाह घटनेआधी जुहूत ज्या बारमध्ये गेला होता त्या बारवर मुंबई महानगरपालिकेकडून कारवाई करण्यात आली आहे. बीएमसीने बारचे अनधिकृत बांधकाम तोडण्यात आलंय. हिट अँड रन घटनेनंतर बीएमसीने बारवर धाड टाकली. यात ग्लोबल तापस बारचे काही बांधकाम अनधिकृत असल्याचं आढळून आलं. त्यानंतर कारवाई करत जेसीबीने बांधकाम तोडून टाकण्यात आले.