TRENDING:
मात्र, याच मिरवणुकीत यंदा कावासाकी निन्जा H2 सारख्या हायपर स्पोर्ट्स बाईकचा कानठळ्या बसवणारा आवाज घुमला. या बाइकला रेस करत असताना महिला पोलिसांनी मात्र हटकलं आणि तिथे वाद झाला. प्रसिद्ध इन्फ्लुएन्सर गौरी मोरे आपल्या महागड्या बाईकला गर्दीत रेस' देत असतानाच एका महिला पोलीसाने तिला कडक शब्दांत सुनावलं.
बाइक रेस करताना पाहून पोलिसांचा संताप
advertisement
मिरवणुकीसाठी गिरगावच्या अरुंद गल्ल्यांमध्ये हजारो लोकांची गर्दी उसळलेली असते. अशा संवेदनशील ठिकाणी गौरी मोरे आपल्या स्पोर्ट्स बाईकचा एक्सलेटर जोरात फिरवून सायलेन्सरचा मोठा आवाज काढत होती.
हा गोंधळ पाहून तिथे तैनात असलेल्या महिला पोलीस अधिकारी धावत आल्या. त्यांनी थेट गाडीसमोर उभं राहून, "काय चाललंय हे? आम्ही काय इथे वेडे आहोत का?" असा प्रश्न केला. इतक्या गर्दीत अशा प्रकारे बाईक रेस करणं लोकांच्या जिवावर बेतू शकतं, असं सांगत त्यांनी गौरीला आणि तिथल्या तरुणांना फैलावर घेतलं.
नंबर प्लेट नाही स्थानिकांची नाराजी
केवळ गोंधळच नाही, तर गौरीच्या त्या महागड्या बाईकला 'नंबर प्लेट' नसल्याचा मुद्दाही पोलिसांनी उपस्थित केला. पोलिसांनी आक्रमक पवित्रा घेताच तिथल्या काही स्थानिक नागरिकांनीही संताप व्यक्त केला. यांची चावीच काढून घ्या, अशी मागणी लोक करू लागले. परिस्थिती हाताबाहेर जात असल्याचं पाहून पोलिसांनी तात्काळ गर्दी मागे हटवली आणि संबंधित बाईकस्वारांना तिथून बाजूला व्हायला भाग पाडलं.
शोभायात्रेत रिल्स बनवण्यासाठी आणि प्रसिद्धी मिळवण्यासाठी अनेक तरुण-तरुणी अतरंगी कृत्य करताना दिसतात. मात्र, गिरगावसारख्या गर्दीच्या ठिकाणी नियमांची ऐशीतैशी करणं गौरी मोरेला चांगलंच महागात पडलं आहे. कायद्यापेक्षा 'स्वॅग' मोठा नाही, हेच या महिला पोलीस अधिकाऱ्याने आपल्या कृतीतून दाखवून दिलं. या घटनेमुळे सोशल मीडियावर आता दोन गट पडले असून, काहींनी पोलिसांच्या कारवाईचं समर्थन केलं आहे, तर काही गौरीची बाजू घेत आहेत.