इंडिगोचे दर वाढले, मध्यरात्रीनंतर विमान तिकीट बुक केल्यास मोजावे लागणार इतके पैसे; कंपनीचा मोठा निर्णय

'इंटरनॅशनल एअर ट्रान्सपोर्ट असोसिएशन'च्या (IATA) जेट फ्यूल मॉनिटरनुसार, मिडल ईस्टमधील तणावामुळे इंधनाच्या किमतीत तब्बल 85 टक्क्यांहून अधिक वाढ झाली आहे. विमान कंपन्यांच्या एकूण ऑपरेटिंग खर्चात 'एव्हिएशन टर्बाइन फ्यूल'चा (ATF) वाटा मोठा असतो. इंधनाच्या दरात झालेल्या या अभूतपूर्व वाढीमुळे कंपनीने हा अतिरिक्त भार ग्राहकांवर टाकण्याचा निर्णय घेतला आहे.

नव्या दरांनुसार प्रति सेक्टर फ्यूल चार्ज असा असेल?

advertisement

• भारतातील आणि इंडियन सबकॉन्टिनेंट रूटसाठी: 425 रुपये
• मिडल ईस्टसाठी : 900 रुपये
• साउथ ईस्ट एशिया-चीन आणि आफ्रिका-वेस्ट एशिया रूटसाठी : 1800 रुपये
• युरोप रूटसाठी : 2300 रुपये

प्रवाशांमध्ये नाराजी

परिस्थितीनुसार या शुल्कात भविष्यात बदल केला जाऊ शकतो, असे कंपनीने स्पष्ट केले असले तरी अचानक घेतलेल्या या निर्णयामुळे प्रवाशांमध्ये मोठी नाराजी आहे. विमान प्रवासाचे दर आधीच चढे असताना आता या नव्या इंधन शुल्कामुळे सर्वसामान्यांना विमान प्रवास परवडणारा उरला नाही, अशी भावना व्यक्त होत आहे. आगामी काळात इतर विमान कंपन्याही अशाच प्रकारची दरवाढ करण्याची शक्यता वर्तवली जात आहे.