मृत्यूचा तोच दिवस, तीच तिथी! दरीत ढकललेल्या राजा रघुवंशीच्या घरात अजब योगायोग; असं काही झालं की सर्वजण चर्चा करू लागले

राजा यांच्या आई उमा रघुवंशी यांनी भावना व्यक्त करत म्हटले, माझा मुलगा पुन्हा परत आला आहे. या घटनेमुळे कुटुंबात आनंदाचे वातावरण असून त्यांच्या इंदूरमधील घरालाही सजावट करण्यात आली आहे. घराबाहेर Raja is back असे फुगे लावण्यात आले होते.

कुटुंबीयांनी सांगितले की राजा रघुवंशी यांची हत्या ‘ग्यारस’ (एकादशी) या दिवशी झाली होती. जो चांद्रमासातील अकरावा दिवस असतो. विशेष म्हणजे सचिन यांच्या मुलाचाही जन्म याच दिवशी झाला. या योगायोगामुळे कुटुंबीय हा प्रसंग दैवी संकेत मानत असून राजा परत आला अशी भावना व्यक्त करत आहेत.

advertisement

हनिमून हत्याकांडाचा थरारक तपशील

राजा रघुवंशी हे इंदूरमधील व्यावसायिक होते. मागील वर्षी मे महिन्यात ते पत्नी सोनम रघुवंशीसोबत मेघालयातील सहलीसाठी गेले होते. पोलिसांच्या माहितीनुसार 21 मे रोजी हे दोघे शिलाँग येथे पोहोचले आणि त्यानंतर सोहरा (चेरापूंजी) येथे गेले. 26 मे रोजी हे दोघे बेपत्ता झाल्याची तक्रार दाखल करण्यात आली. त्यानंतर सोहरा पोलिस, स्पेशल ऑपरेशन्स टीम, NDRF, SDRF, ट्रेकिंग गट आणि स्थानिकांच्या मदतीने मोठा शोधमोहीम राबवण्यात आली. दीर्घ शोधानंतर 2 जून रोजी सोहरा येथील प्रसिद्ध Wei Sawdong Falls जवळील खोल दरीतून राजा यांचा मृतदेह सापडला.

पत्नीच कटाची सूत्रधार?

तपासादरम्यान धक्कादायक माहिती समोर आली. पोलिसांच्या मते सोनम रघुवंशी हिचे राज कुशवाहा नावाच्या व्यक्तीसोबत प्रेमसंबंध होते. या दोघांनी मिळून राजाला संपवण्याचा कट रचला होता. या कटात आणखी तीन भाडोत्री मारेकरी विषाल सिंह चौहान, आकाश सिंह राजपूत आणि आनंद कुर्मी सहभागी होते. पोलिसांच्या म्हणण्यानुसार सोनमच्या उपस्थितीतच या तिघांनी राजाची हत्या केली.

या प्रकरणात पोलिसांनी एका आठवड्याच्या आत सर्व आरोपींना अटक केली. ज्यात सोनम रघुवंशी (पत्नी),राज कुशवाहा (प्रेमी),विषाल सिंह चौहान, आकाश सिंह राजपूत,आनंद कुर्मी यांचा समावेश आहे.

भावनिक आणि धक्कादायक कहाणी

एकीकडे क्रूर हत्याकांडाने संपूर्ण देश हादरला होता तर दुसरीकडे आता कुटुंबात आलेल्या नव्या बाळामुळे दुःखातही आनंदाची किरण दिसत आहे. कुटुंबीय हा योगायोग दैवी मानत असून राजा पुन्हा आमच्यात आला अशी भावना व्यक्त करत आहेत.