Priyanka Gandhi : प्रियंका गांधी पहिल्यांदाच निवडणुकीच्या रिंगणात उतरणार, राहुल गांधींनी सोडलं वायनाड

लोकसभा निवडणुकीत दोन जागांवरून विजय मिळाल्यामुळे राहुल गांधी यांना एका जागेवरून राजीनामा द्यावा लागणार होता. नेमका कोणत्या जागेवरून राजीनामा द्यायचा याचा निर्णय घेण्यासाठी दिल्लीत काँग्रेस नेत्यांची बैठक झाली. या बैठकीत राहुल गांधी वायनाडमधून राजीनामा देतील, हा निर्णय घेण्यात आला. तसंच राहुल गांधींच्या राजीनाम्यानंतर वायनाडमधून प्रियंका गांधी पोटनिवडणूक लढणार आहेत.

वायनाडच्या पोटनिवडणुकीत प्रियंका गांधी यांचा विजय झाला तर संसदेमध्ये गांधी कुटुंबातले तीनही सदस्य बघायला मिळतील. सोनिया गांधी या काहीच दिवसांपूर्वी राजस्थानमधून राज्यसभेच्या खासदार झाल्या आहेत. तर राहुल गांधी आणि प्रियंका गांधी लोकसभेत काँग्रेससाठी किल्ला लढवतील.

advertisement