TRENDING:
पंजाबच्या जालंधरचे शिवसेना नेते दीपक कंबोज यांच्या मुलीचे नाव मुनमुन आहे. वर्षाच्या पहिल्याच दिवशी तिचा वाढदिवस असल्याने घरात त्याची जोरदार तयारी सुरू होती. नातेवाईकांना, मित्रपरिवराल बोलवण्यात आले होते.मुनमुन अंघोळीसाठी बाथरुममध्ये गेली त्यावर शॉवरसाठी गीझर सुरु केला त्यावेळी गीझरच्या पाईपमधून गॅस पाईप लीत झाला.गॅस लीक झाल्याने बाथरुममध्ये श्वास गुदमरला आणि जीव गेला. बराच वेळ अंघोळीसाठी मुनमुन बाहेर न आल्याने घरच्यांनी दरवाजा वाजवला मात्र आतून कोणताही प्रतिसाद न मिळाल्याने दरवाज तोडण्याच आला. त्यावेळी बेशुद्ध पडलेल्या मुनमुनला रुग्णालयात दाखल करण्यात आले मात्र डॉक्टरांनी तिला मृत घोषीत केले.
advertisement
मुनमुनसोबत नेमकंं काय घडलं?
समोर आलेल्या माहितीनुसार, घटनेची माहिती मिळताच पोलिसांनी घटनास्थळी धाव घेतली. मुनमुनचा मृतदेह शवविच्छेदनासाठी रुग्णालयात पाठवला असून त्याचा रिपोर्ट आल्यानंतर मुनमुनवर किशनपुरा स्मनाभूमीत अंत्यसंस्कार करण्यात येणार आहे. पोलीस या घटनेचा अधिक तपास करत आहे गीझरमध्ये तांत्रिक बिघाड होता की अपुरा गॅस व्हेंटिलेशन होता याचाही तपास सुरू आहे.
निधनानंतर कुटुंबियांचा आक्रोश
मुनमुनचे पिता दीपक कंबोज म्हणाले की, आमच्या कुटुंबाने वाढदिवस आणि नवीन वर्षाच्या स्वागतासाठी विशेष तयारी केली होती. नातेवाईक आणि मित्रांना आमंत्रित करण्यात आले होते. परंतु आनंदाचे वातावरण अचानक शोकात बदलले. मुनमुन अतिशय मनमिळाऊ स्वभावाची मुलगी होती. तिच्या या स्वभावामुळे घरात नेहमी वातावरण आनंदाचे असे.