Mumbai Local : प्रवाशांनो लक्ष द्या! लोकलचा मासिक पास आता UTS ॲपवर मिळणार नाही, जाणून घ्या नवा पर्याय
Last Updated:
Rail One App : लोकलचा मासिक पास काढण्यासाठी युटीएस अॅपचा वापर केला जात होता. मात्र आता ही सेवा बंद होणार आहे.
मुंबई : मुंबईसह उपनगरी रेल्वेने प्रवास करणाऱ्या प्रवाशांसाठी महत्त्वाचा बदल करण्यात आला आहे. आतापर्यंत यूटीएस मोबाइल ॲपवरून लोकल ट्रेनचा मासिक पास काढण्याची सुविधा उपलब्ध होती.मात्र आता रेल्वे प्रशासनाने ही सुविधा कायमस्वरूपी बंद केली आहे. आता नवीन मासिक पास काढण्यासाठी प्रवाशांना फक्त रेल वन या नव्या ॲपचा वापर करावा लागणार आहे.
लोकलचा पास काढण्यासाठी आता UTS वापरता येणार नाही
रेल्वे अधिकाऱ्यांच्या माहितीनुसार यूटीएस ॲपवरून आधी काढलेले मासिक पास त्यांचा कालावधी संपेपर्यंत वैध राहणार आहेत. मात्र, नवीन पास काढण्यासाठी यूटीएस ॲपचा पर्याय उपलब्ध नसेल. त्यामुळे प्रवाशांनी पुढील प्रवासासाठी रेल वन ॲप डाऊनलोड करून वापरणे आवश्यक आहे.
पुढे काय कराल?
रेल्वेच्या सर्व डिजिटल सुविधा एकाच ॲपवर उपलब्ध करून देण्याच्या उद्देशाने रेल वन ॲप विकसित करण्यात आले आहे. या ॲपवरून अनारक्षित तिकिटे, मासिक पास, पेमेंट सुविधा आणि इतर अनेक सेवा एकाच ठिकाणी मिळणार आहेत. यामुळे प्रवाशांना वेगवेगळ्या ॲप्सचा वापर करण्याची गरज भासणार नाही.
advertisement
प्रवाशांना मिळणार विशेष सवलत
डिजिटल पेमेंटला प्रोत्साहन देण्यासाठी रेल्वे मंत्रालयाने एक विशेष सवलत जाहीर केली आहे. रेल वन ॲपवरून अनारक्षित तिकीट खरेदी केल्यास प्रवाशांना 3 टक्के सूट मिळणार आहे. ही सवलत 14 जानेवारी ते 14 जुलै 2026 या कालावधीसाठी लागू असणार आहे.
दररोज लाखो प्रवासी लोकल ट्रेनने प्रवास करतात. त्यामुळे रेल वन ॲपचा वापर वाढल्यास तिकीट खरेदी प्रक्रिया अधिक सोपी, वेगवान होण्याची शक्यता आहे. रेल्वे प्रशासनाने प्रवाशांना वेळेत नवीन अॅपचा वापर सुरू करण्याचे आवाहन केले आहे.
view commentsLocation :
Mumbai,Maharashtra
First Published :
Jan 02, 2026 8:16 AM IST
मराठी बातम्या/महाराष्ट्र/
Mumbai Local : प्रवाशांनो लक्ष द्या! लोकलचा मासिक पास आता UTS ॲपवर मिळणार नाही, जाणून घ्या नवा पर्याय
