झोपताना उशी घ्यावी की नाही, तुम्हीही आहात कंफ्यूज? तज्ज्ञांनी काय सांगितलं पाहा

हेल्थलाइनच्या रिपोर्टनुसार, ज्या लोकांना पोटावर झोपायला आवडते, त्यांच्यासाठी उशी न घेता झोपणे फायदेशीर ठरू शकते. अमेरिकेच्या रोचेस्टर मेडिकल सेंटर विद्यापीठातील तज्ज्ञांनुसार पोटावर झोपल्याने आपल्या मणक्याची नैसर्गिक स्थिती बदलते. कारण यावेळी आपल्या शरीराचे बहुतांश वजन शरीराच्या मधल्या भागावर असते. यामुळे आपली पाठ आणि मानेवर ताण पडतो. अशा परिस्थितीत उशी न घेता झोपल्यास आपले डोके सरळ राहते आणि मानेवरील ताणही कमी होतो.

advertisement

रात्रीच्या जेवणात हे पदार्थ खाताय? रोजचा आहाराच देईल या गंभीर आजाराला निमंत्रण

दरम्यान, तज्ज्ञांनी सांगितल्यानुसार, उशी न घेऊन झोपणे प्रत्येकासाठी उपयुक्त नाही. जर तुम्ही झोपेत सतत कुस बदलत असाल तर उशी नसल्यास फायद्याच्या जागी नुकसान होण्याची शक्यता जास्त आहे. अशा लोकांनी झोपताना उशीचा वापर केला नाही तर त्यांची मान आणि खांद्यांवर भार येतो. आपल्या मणक्याचे हाड तठस्थ ठेवण्यासाठी उशीचा वापर करायला हवा. इतकंच नाही तर ज्या लोकांना मानदुखीचा त्रास जाणवतो त्यांनी आवर्जून झोपताना उशी घ्यावी. झोपताना उशी घेतल्याने मानेला आधार मिळतो आणि झोपताना योग्य स्थिती राहते. यामुळे झोपमोड होऊ शकते.

तज्ज्ञांनी सांगितले की योग्य उशीचा वापर केल्यास मणक्यासंबंधित आजार दूर होऊ शकतात. मात्र अनेक लोकांना उशी घेऊन झोपण्याची सवय नसते. जर एखाद्याला उशी न घेताही चांगली झोप लागत असेल आणि त्यांना कोणताही त्रास जाणवत नसेल तर झोपताना उशी घेऊन झोपावे की नाही हे त्यांच्या आवडीवर अवलंबून आहे. तुम्हालाही जर झोपताना काही त्रास जाणवत असेल तर डॉक्टरांचा सल्ला घेणे फायदेशीर ठरू शकते.