TRENDING:
जिल्हा परिषद जिंकून दाखवण्याचे चॅलेंज
विरोधकांचा बाजार उठला असून आगामी विधानसभा, लोकसभा निवडणुकीत भाजप महायुतीचे उमेदवार प्रचंड बहुमतांनी निवडून येतील. नगर परिषद निकालानंतर मल्हार पाटील यांनी खासदार ओमराजे निंबाळकर यांना जिल्हा परिषद जिंकून दाखवण्याचे चॅलेंज दिलं होतं ते त्यांनी पूर्ण करून दाखविले असल्याचे सांगत महायुतीची जिल्ह्याची टीम चांगली आहे. महायुतीची जिल्ह्याची टीम पूर्ण ताकतीने काम करेल व सर्व जागावर यश मिळवेल, असा विश्वास त्यांनी यावेळी व्यक्त केला.
advertisement
कसाय दणका...
कसाय दणका... असा व्हिडिओ सोशल मीडियावर पोस्ट केला तसेच रडू नको बाळा.. नादी लागु नको, बदाबदा बडवीन... गाण्यावर ठेका धरत मल्हार पाटील यांनी दंड थोपटत ओमराजे निंबाळकर यांना चॅलेंज दिले आहे. मी नगरपरिषद निवडणुकीवेळी सांगितलं होतं की, जिल्हा परिषदेत सत्ता येणार त्यानुसार सत्ता आली. आता येणाऱ्या प्रत्येक निवडणुकीत महायुतीची सत्ता आल्याशिवाय मल्हार पाटील शांत बसणार नाही. असे ते यावेळी म्हणाले.
'इकडे बघ' म्हणत खुन्नस दिली
दरम्यान, काल जिल्हा परिषद अध्यक्षपदासाठी मतदान प्रक्रिया पार पडल्यानंतर निकाल जाहीर होण्याच्या सुमारास एक घटना घडली. भाजप आमदार राणाजगजितसिंह पाटील आणि मल्हार पाटील हे जिल्हा परिषद इमारतीतून बाहेर पडत होते. त्याच वेळी जयराजे निंबाळकर हे आपल्या समर्थकांसह समोरून आले. राणा पाटील यांना पाहताच जयराजेंनी मागे बघत 'इकडे बघ' असे म्हणत त्यांना थेट खुन्नस दिली. त्यानंतर मोठा राडा झाल्याचं पहायला मिळालं होतं.