आज चॉकलेट डे! 'या' राशीच्या लोकांनी पार्टनरला द्या सरप्राईज, नात्यात येईल गोडवा; जोडीदारही होईल खुश

व्हॅलेंटाईन वीकचा आजचा तिसरा दिवस म्हणजेच 'चॉकलेट डे'! दरवर्षी 9 फेब्रुवारीला साजरा होणारा हा दिवस नात्यातील कटुता दूर करून गोडवा पेरण्यासाठी अत्यंत खास मानला जातो. ज्योतिषशास्त्रानुसार, आज ग्रहांची स्थिती अशी आहे की ठराविक राशींच्या लोकांनी आपल्या जोडीदाराला चॉकलेटचे सरप्राईज दिल्यास, त्यांच्या नात्यातील प्रेम द्विगुणित होणार आहे.

विशेषतः वृषभ, तूळ, सिंह आणि मीन राशीच्या जातकांसाठी आजचा दिवस रोमान्सने भरलेला असेल. जर तुमच्या नात्यात गेल्या काही दिवसांपासून काही कारणास्तव तणाव असेल, तर आज एक चॉकलेट तुमचे बिघडलेले नाते सुधारण्यास मदत करू शकते.

वृषभ - लक्झरी चॉकलेटने करा खुश: वृषभ राशीचा स्वामी शुक्र आहे, ज्याला सुख आणि सौंदर्याचा कारक मानले जाते. आज तुम्ही तुमच्या पार्टनरला एखादे 'डार्क चॉकलेट' किंवा 'हँडमेड चॉकलेट' भेट द्यावे. तुमच्या जोडीदाराला तुमच्याकडून मिळालेली ही छोटीशी भेट त्यांना विशेष असल्याची जाणीव करून देईल.

सिंह - सरप्राईज प्लॅन करा: सिंह राशीच्या लोकांसाठी आजचा दिवस 'एक्शन'चा आहे. केवळ चॉकलेट देऊन थांबू नका, तर एखाद्या छान ठिकाणी जाऊन त्यांना चॉकलेट सरप्राईज द्या. तुमच्या या अंदाजामुळे तुमचा जोडीदार तुमच्यावर पुन्हा एकदा प्रेमात पडेल.

तूळ - नात्यात येईल संतुलन: तूळ राशीच्या व्यक्तींना संतुलन आवडते. जर तुमच्यात काही वाद सुरू असतील, तर आज 'मिल्क चॉकलेट' देऊन संवाद सुरू करा. शुक्र प्रबळ असल्याने आज तुमची प्रत्येक इच्छा जोडीदार मान्य करेल.

मीन - भावनिक गोडवा वाढणार: मीन राशीचे लोक अत्यंत हळवे असतात. आज आपल्या पार्टनरला चॉकलेटसोबत एक छोटेसे 'प्रेमपत्र' किंवा मेसेज द्या. यामुळे तुमच्यातील भावनिक बंध अधिक घट्ट होतील.

इतर राशींसाठी टीप: मेष आणि वृश्चिक राशीच्या लोकांनी जोडीदाराला चॉकलेट देताना लाल रंगाचे गुलाब सोबत ठेवावे. तर मिथुन आणि कन्या राशीच्या लोकांनी जोडीदाराशी मनमोकळ्या गप्पा मारताना चॉकलेटचा आनंद घ्यावा. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)