Chandra Gochar: 24 तासात होत्याचं नव्हतं..! 21 फेब्रुवारीला 3 राशींच्या सुखाला दृष्ट लागणार, काळजी घेण्याची वेळ

चंद्राचे हे गोचर काही राशींच्या करिअरवर आणि आर्थिक बाजूवर नकारात्मक परिणाम करू शकते. तसेच या राशींना मानसिक त्रासालाही सामोरे जावे लागू शकते. या राशी कोणत्या आणि त्यांनी काय खबरदारी घेतली पाहिजे, ते जाणून घेऊया.

वृषभ - तुमच्या हानी भावात म्हणजेच बाराव्या भावात चंद्राचे गोचर होणार आहे. बाराव्या भावात असलेला चंद्र तुमच्या आर्थिक स्थितीवर वाईट परिणाम करू शकतो. खराब प्रकृतीमुळे पैसे खर्च होण्याची शक्यता आहे. या काळात गुंतवणूक करणे टाळावे. जर तुम्ही परदेशी कंपन्यांमध्ये काम करत असाल, तर निष्काळजीपणा करू नका, अन्यथा नुकसान होऊ शकते. विवाहित जोडप्यांनाही आयुष्यात चढ-उतारांचा सामना करावा लागू शकतो. उपाय म्हणून शिव चालीसाचे पठण करा.

कन्या - तुमच्या राशीच्या आठव्या भावात चंद्राचे भ्रमण असेल. शुभ ग्रह मानला जाणारा चंद्र या भावात असणे चांगले मानले जात नाही. आठव्या भावातील चंद्राची स्थिती तुमच्या आयुष्यात अचानक नकारात्मक बदल घडवून आणू शकते. धन आणि मान-सन्मानाची हानी होऊ शकते, त्यामुळे सतर्क राहा.

कन्या राशीच्या लोकांनी या काळात चुकीच्या संगतीपासून दूर राहा. पोटाशी आणि घशाशी संबंधित आरोग्याच्या समस्या काही लोकांना त्रास देऊ शकतात. आर्थिक बाबतीत जोडीदाराचा किंवा पालकांचा सल्ला घ्या. उपाय म्हणून शिवलिंगावर बेलपत्र अर्पण करा.

वृश्चिक - चंद्राचे गोचर तुमच्या शत्रू भावात होणार आहे, ज्यामुळे तुमचे शत्रू सक्रिय होऊ शकतात. या काळात कोणावरही गरजेपेक्षा जास्त विश्वास ठेवणे टाळा, अन्यथा फसवणूक होऊ शकते. आर्थिक स्थिती सुधारायची असेल, तर अनावश्यक गोष्टींवर खर्च करणे थांबवावे लागेल. पैशांचे व्यवहार एखाद्या विश्वासू व्यक्तीसमोरच करा.

वृश्चिक राशीच्या लोकांनी कार्यक्षेत्रात होणाऱ्या राजकारणापासून दूर राहून आपल्या कामावर लक्ष द्या, अन्यथा त्याचे वाईट परिणाम भोगावे लागू शकतात. उपाय म्हणून हनुमान चालीसा वाचा आणि चंद्राच्या मंत्रांचा जप करा.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)