Honda आणला फक्त 687 रुपयांचा प्लॅन, Activa EV चार्जिंगचं टेन्शनच नाही!

जपानी कंपनी होंडाने भारतीय मार्केटमध्ये चांगला जम बसवला आहे. आता ईलेक्ट्रिक वाहन उत्पादनामध्येही होंडाने एकापेक्षा एक दमदार अशा स्कुटर लाँच केल्या आहेत. आता होंडाने भारतीय ग्राहकांसाठी स्वस्तात बॅटरी स्वॅप प्लॅन लाँच केला आहे. ही घोषणा ब्रँडने त्यांच्या सोशल मीडिया चॅनेलवर शेअर केली आहे.

याआधी बॅटरी स्वॅप सबस्क्रिप्शनची किमान किंमत ही जीएसटी कर वगळून १,९९९ रुपये होती. पण आता होंडा पॉवर पॅक एनर्जीने 'लाइट' हा नवीन सबस्क्रिप्शन प्लॅन आणला आहे. ज्याची किंमत जीएसटी वगळून फक्त ६७८ रुपये आहे.

दरमहा १२ बॅटरी स्वॅप लाइट - होंडाच्या लाईट प्लॅनचा लाभ हा होंडा अ‍ॅक्टिवा ई ग्राहकांना घेता येईल. दरमहा १२ बॅटरी स्वॅपची सुविधा मिळणार आहे., जर ग्राहकाने या मर्यादेपेक्षा जास्त स्वॅप केले तर त्याला प्रति बॅटरी १८० रुपये द्यावे लागतील.

SIAM च्या मते, मार्च २०२५ मध्ये होंडाने अ‍ॅक्टिवा ईच्या फक्त १०६ युनिट्स विकल्या, ज्या एप्रिल २०२५ मध्ये फक्त ३२ युनिट्सवर आल्या. याशिवाय, होंडा इलेक्ट्रिक स्कूटरसाठी फक्त बॅटरी स्वॅपिंग पर्याय देते, घरी चार्जिंगचा पर्याय नाही. होंडा अ‍ॅक्टिवा ईची विक्री दुप्पट आकड्यांपर्यंत घसरण्याचं हे देखील एक कारण असू शकतं.

होंडा अ‍ॅक्टिवा ई मध्ये दोन प्रकार आहेत, ज्याची किंमत १.१७ लाख रुपयांपासून (एक्स-शोरूम) सुरू होते. होंडा अ‍ॅक्टिवा ई एसटीडी आणि होंडा अ‍ॅक्टिवा ई रोडसिंक ड्युओची किंमत १.५२ लाख रुपये (एक्स-शोरूम) आहे.

अ‍ॅक्टिवा ई मध्ये ६ किलोवॅट मोटर आणि १.५ किलोवॅट क्षमतेच्या दोन स्वॅप करण्यायोग्य बॅटरी आहेत, ज्या १०२ किमीची रेंज देतात. ऑल-एलईडी लाईट सेटअप होंडा अ‍ॅक्टिवा ई मध्ये ऑल-एलईडी लाईट सेटअप आहे.

ज्यामध्ये एलईडी हेडलॅम्प, टेललॅम्प आणि एलईडी डीआरएल समाविष्ट आहेत. एसटीडी व्हेरिएंटमध्ये ५-इंचाचा टीएफटी डिस्प्ले आहे, तर रोडसिंक व्हेरिएंटमध्ये ७-इंचाचा टीएफटी युनिट आहे, ज्यामध्ये ब्लूटूथ कनेक्टिव्हिटी, टर्न-बाय-टर्न नेव्हिगेशन, म्युझिक कंट्रोल्स आणि कॉल आणि एसएमएस अलर्ट आहेत.