Maurti ची शानदार SUV आता CNG मध्ये लाँच, मायलेज 26 किमी, किंमतही कमी!

भारतातील सर्वात मोठी कार उत्पादक कंपनी मारुती सुझुकीने मध्यमवर्गीय कुटुंबीयांना डोळ्यासमोर ठेवून अनेक अशा कार तयार केल्यात. आता मध्यमवर्गीयांना परवडतील अशा SUV सुद्धा अलीकडेच लाँच केल्या होत्या. त्यातच आता मारुती सुझुकीने आपली ग्रँड विटारा एस-सीएनजी 2025 लाँच केली आहे. नव्या ग्रँड विटारामध्ये नवीन नियमांनुसार, 6 एअर बॅग्स दिल्या आहे.

नवीन ग्रँड विटारामध्ये अपग्रेडेड एस-सीएनजी मॉडेल मध्यम आकाराच्या एसयूव्हीमध्ये चांगली सुरक्षा, कार्यक्षमता आणि प्रीमियम फिचर्स दिले आहे. ग्रँड विटारा ४,३४५ मिमी लांबी, १,७९५ मिमी रुंदी आणि १,६४५ मिमी उंचीची आहे. या कारमध्ये १.५-लिटर के-सिरीज ड्युअल जेट, ड्युअल व्हीव्हीटी इंजिन दिलं आहे. सीएनजी मोडमध्ये जास्तीत जास्त ८७.८ बीएचपी पॉवर आणि १२१.५ एनएम पीक टॉर्क निर्माण करते.

२६.६ किमी/किलो मायलेज - नवीन ग्रँड विटारा एस-सीएनजी २६.६ किमी/किलो इंधन कार्यक्षमता देते. हे मॉडेल मारुती सुझुकीच्या मल्टी-पॉवरट्रेन स्ट्रॅटेजीचा एक भाग आहे, ज्यामध्ये स्ट्रॉंग हायब्रिड आणि ALLGRIP SELECT 4×4 पर्याय देखील आहे.

नवीन २०२५ ग्रँड विटारा एस-सीएनजी अनेक नवीन नवे फिचर्स आणि सुरक्षिततेचे फिचर्स दिले आहे. ज्यामध्ये मानक ६ एअरबॅग्जचा समावेश आहे.

नेक्स्ट-जेन के-सीरीज १.५-लिटर ड्युअल जेट ड्युअल व्हीव्हीटी इंजिन - नवीन ग्रँड विटारा एस-सीएनजीमध्ये नेक्स्ट-जेन के-सीरीज १.५-लिटर ड्युअल जेट ड्युअल व्हीव्हीटी इंजिनद्वारे सज्ज आहे. एसयूव्ही ड्राइव्ह अनुभवाशी तडजोड न करता उत्तम इंधन कार्यक्षमता प्रदान करते.

नवीन ग्रँड विटारा एस-सीएनजी तिच्या मजबूत सुरक्षिततेसह आणि दमदार कार्यक्षमतेनं ग्राहकांची मनं जिंकत राहिली. एसयूव्हीमध्ये आता डिस्प्लेसह पीएम २.५ एअर प्युरिफायर, व्हेंटिलेटेड फ्रंट सीट्स, रीअर डोअर सनशेड्स, वायरलेस चार्जिंग डॉक आणि क्लॅरियनद्वारे प्रीमियम साउंड सिस्टम सारखी फिचर्स दिले आहे.

केबिनमध्ये वायरलेस कनेक्टिव्हिटीसह ९-इंचाचा स्मार्टप्ले प्रो+ इन्फोटेनमेंट सिस्टम, टीपीएमएस, सुझुकी कनेक्ट आणि रीअरव्ह्यू कॅमेरा यांचा समावेश आहे. सुरक्षिततेच्या बाबतीत, ६ एअरबॅग्ज व्यतिरिक्त, एसयूव्हीमध्ये हिल होल्ड असिस्टसह ईएसपी, ईबीडीसह एबीएस, आयएसओफिक्स चाइल्ड सीट माउंट्स आणि फ्रंट आणि रीअर डिस्क ब्रेक आहेत.

ग्रँड विटारा एस-सीएनजीची डेल्टा व्हेरियंटची किंमत १३.४८ लाख रुपये आणि झेटा व्हेरियंटची किंमत १५.६२ लाख रुपये आहे (दोन्ही एक्स-शोरूम, दिल्ली). ही एसयुव्ही डेल्टा आणि झेटा प्रकारांमध्ये उपलब्ध आहे.