Ola ची स्कुटर विसरा,आली 400 किमी रेंज अन् किंमतही कमी, लेकाला घेऊन द्या सुपर स्पीडवाली Scooter

भारतात सध्या जीएसटीच्या दरात कपात झाल्यानंतर वाहन विक्रीमध्ये चांगलीच वाढ झाली आहे. अशातच मध्यमवर्गीय कुटुंबीय आता स्कुटर खरेदी त्यातही ईव्ही असेल तर असा पर्याय शोधत आहे. ईलेक्ट्रिक स्कुटर सेगमेंटमध्ये आता चांगलेच पर्याय उपलब्ध आहे. अशातच   सिंपल एनर्जीने आपल्या इलेक्ट्रिक टू-व्हीलर रेंजमध्ये वाढ करत Gen 2 स्कूटर सिरीज लॉन्च केली आहे. या स्कुटरची  रेंज ही 400 किमी इतकी आहे. तसंच भारतातील इतक इलेक्ट्रिक स्कुटरपेक्षा किंमतही कमी आहे. 

बंगळुरू येथील  EV कंपनीने सिंपल वन आणि सिंपल वन एसचे अपडेटेड Gen 2 व्हर्जन मॉडेल लाँच केलं आहे.  या रेंजमध्ये टॉपवर सिंपल अल्ट्रा आहे, ज्यात 6.5 kWh ची बॅटरी आहे, जी आतापर्यंतच्या सर्वात मोठ्या क्षमतेची आहे. अल्ट्राचा परफॉर्मन्स हा 0 ते 40 किलोमीटर प्रतितास वेग फक्त 2.77 सेकंदात गाठतो.  या स्कुटरचा टॉप स्पीड 115 किलोमीटर इतका आहे. 

सिंपल एनर्जीने याला भारतातील दुसरा सर्वात वेगवान इलेक्ट्रिक स्कूटर म्हटलं जात आहे. अल्ट्राची बुकिंग सिंपल एनर्जीच्या शोरूममध्ये सुरू झाली आहे. 

simple one gen 2 मध्ये आता दोन बॅटरी पर्याय दिला आहे. 4.5 kWh व्हर्जनची IDC रेंज 236 किलोमीटर आहे. .simple one gen 2 ची किंमत 1,69,999 रुपये (एक्स-शोरूम, बंगळुरू) पासून सुरू होते. 5 kWh व्हेरिएंटची रेंज 265 किलोमीटर IDC आहे. या स्कुटरची सुरुवातीची किंमत 1,77,999 रुपये आहे. दोन्ही व्हर्जन लगेच खरेदीसाठी उपलब्ध आहेत.

सिंपल वन एस Gen 2 ला देखील अपडेट केले आहे, ज्यात आता 190 किलोमीटरची IDC रेंज मिळते आणि त्याची किंमत 1,49,999 रुपये (एक्स-शोरूम, बंगळुरू) आहे.

Gen 2 सिंपल वन रेंजमध्ये अनेक मेकॅनिकल सुधारणा करण्यात आल्या आहेत. आता हे स्कूटर 8 किलो हलके झाले आहेत. त्यामुळे त्यांचे कर्ब वेट 129 किलो आहे, आणि हाय-स्पेक व्हर्जनमध्ये मोटर आउटपुट वाढून 8.8 kW झाला आहे.

simple one gen 2 मध्ये 1 लिटरचे फ्रंट ग्लोव्हबॉक्स, डेडिकेटेड चार्जिंग पोर्ट, नवीन डॅशबोर्ड आणि नवीन रायडर कंट्रोल्सही आहेत. ट्रॅक्शन कंट्रोल, क्रूझ कंट्रोल आणि चार-लेव्हल रीजेनेरेटिव ब्रेकिंगसारखी वैशिष्ट्येही मिळतात. याशिवाय 35 लीटरचे अंडरसीट स्टोरेज आणि 780 mm ची अधिक आरामदायक सीट हाइट दिली आहे.

simple one gen 2 मध्ये 4.5 kWh सिंपल वन Gen 2 मध्ये 6.4 kW आणि 52 Nm आउटपुट मिळतो, जो 0 ते 40 किलोमीटर प्रतितास वेग 3.3 सेकंदात गाठतो. या स्कुटरचा टॉप स्पीड 90 किलोमीटर प्रतितास इतका आहे. 5 kWh व्हर्जनमध्ये आउटपुट वाढून 8.8 kW आणि 72 Nm होतो. जो अल्ट्राच्या 115 किलोमीटर प्रतितास टॉप स्पीडसारखा आहे आणि 0 ते 40 किलोमीटर प्रतितास वेग फक्त 2.55 सेकंदात गाठतो.

simple one gen 2 दोन्ही व्हेरिएंटमध्ये सहा रायडिंग मोड्स दिले आहेत आणि हे डिस्क ब्रेक्स व CBS ने सुसज्ज आहेत. सिंपल वन एस Gen 2 मध्येही अनेक बदल करण्यात आले आहेत. यात 3.7 kWh बॅटरी आहे, जी 6.5 kW आणि 52 Nm आउटपुट देते .त्याची टॉप स्पीड 90 किलोमीटर प्रतितास आहे आणि 0 ते 40 किलोमीटर प्रतितास वेग 3 सेकंदात पकडतो.

ब्रेकिंग परफॉर्मन्सही सुधारला आहे, आता स्टॉपिंग डिस्टन्स कमी होऊन 18.49 मीटर झाला आहे, तर सीट हाइट आणि स्टोरेज क्षमता सिंपल वनसारखीच आहे. सिंपल वन Gen 2 मध्ये 7 इंचाचा टचस्क्रीन डिस्प्ले आहे, तर वन एस Gen 2 मध्ये नॉन-टच डिस्प्ले मिळतो. दोन्हीमध्ये 5G e-SIM सह LTE आणि ब्लूटूथ सपोर्ट आहे,

OTA अपडेट्स, नेव्हिगेशन, TPMS, पार्क असिस्ट आणि फाइंड माय व्हीकलसारख्या सुविधा मिळतात आणि हे IP65-रेटेड हार्डवेअरने सुरक्षित आहेत. कंपनी मोटर आणि बॅटरीवर लाइफटाइम वॉरंटी देते, तसेच चार्जर आणि व्हीकल्सवर एक्सटेंडेड कव्हरेजही उपलब्ध आहे.