भावाने दिलं विष, किडनी निकामी झाली! 4 वर्षांत 750 इंजेक्शन्स; प्रसिद्ध अभिनेता आता गंभीर अवस्थेत

अभिनेता पोनम्बलम यांनी चित्रपटांमध्ये एक्स्ट्रा स्टंट मॅन म्हणून काम करून चित्रपटसृष्टीत पदार्पण केलं. तमिळ चित्रपटांमध्ये सक्रिय असलेल्या या अभिनेत्याने काही मल्याळम चित्रपटांमध्येही काम केलं होतं. नंतर दिग्दर्शक आणि निर्माता बनलेल्या 'पोनम्बलम'ने काही चित्रपटांमध्ये मुख्य भूमिकाही साकारली. पण आता त्याला पाहून अनेकांना धक्का बसला आहे.

एकेकाळचा खलनायक ज्याला आता दररोज व्हीलचेअरच्या मदतीने फिरावं लागतं. पोनम्बलम मल्याळम चित्रपटांमध्ये खलनायकाच्या भूमिकांमध्ये दिसले आहेत, ज्यात बहुतेकदा मामूटी आणि मोहनलाल यांनी भूमिका केल्या आहेत.

तीन वर्षांपूर्वी पोनम्बलमची किडनी निकामी झाली होती. पोनम्बलम यांनी आरोप केला होता की त्यांच्या एका सावत्र भावाने त्यांच्या विष दिलं होतं. "दारूमुळे माझं मूत्रपिंड खराब झाले नाहीत. माझ्या वडिलांना तीन बायका आहेत. त्यांच्या तिसऱ्या पत्नीपासून झालेला माझा सावत्र भाऊ माझा मॅनेजर होता. मी त्यांच्यावर खूप विश्वास ठेवला. एके दिवशी त्यांनी माझ्या बिअरमध्ये विष मिसळलं. त्याचा माझ्या मूत्रपिंडांवर गंभीर परिणाम झाला", असं पोनम्बलम यांनी सांगितलं.

त्यांनी स्पष्ट केलं की त्यांच्या सावत्र भावाने त्यांच्या जेवणात विषारी पदार्थ मिसळले होते आणि डॉक्टरांनी ते शोधून काढले. पोनम्बलम यांनी असाही आरोप केला की त्यांच्या भावाने त्यांच्याविरुद्ध जादूटोणा केला होता.

पोनम्बलम यांनी दिग्दर्शित केलेल्या चित्रपटांना दुर्दैवाचा सामना करावा लागला. 2004 मध्ये सुरू झालेला पहिला चित्रपट खूप उशिरा प्रदर्शित झाला. त्यानंतर सुरू झालेला चित्रपट बंद करावा लागला. 2010 मध्ये त्यांनी नवीन चेहऱ्यांसह दुसरा चित्रपट सुरू केला. हा चित्रपटही चांगला चालला नाही. त्यानंतर त्यांना अभिनयाच्या संधीही कमी येऊ लागल्या. त्यानंतर त्याने तमिळ चित्रपट पदम, वेंकाई आणि पोन्नारा शंकरसारख्या चित्रपटांमध्ये लहान भूमिका साकारली.

त्याने मोहनलाल अभिनीत मल्याळम चित्रपट 'मूनम मुरा'मध्ये पीटरच्या भूमिकेने सुरुवात केली. नंतर, पोन्नाम्बलमने ओरकप्पुरम, सम्राज्यम, स्टॅलिन शिवदास, थांडवम, प्रजापती, पायुम पुली आणि आडू 2 सारख्या चित्रपटांमध्ये खलनायकाची भूमिका साकारली. 2018 मध्ये तो कमल हासन यांनी होस्ट केलेल्या बिग बॉस तमिळच्या दुसऱ्या सीझनमध्ये स्पर्धक होता. इथंही पोन्नाम्बलम वादात अडकला. सहकारी महिला स्पर्धकांना लिंगभेदपूर्ण टिप्पण्या दिल्याबद्दल पोन्नाम्बलमने वाद निर्माण केला.

आता रस्त्यावरील कलाकारांसोबत व्हिलचेअरवर नाचतानाचा त्याचा व्हिडिओ फुटेज समोर आला आहे. त्यांनी सांगितलं, "गेल्या चार वर्षांत मला माझ्या शरीरात 750 इंजेक्शन घ्यावे लागले आहेत. जेव्हा माझी तब्येत बिघडली, तेव्हा माझ्या मदतीला आलेला एकमेव व्यक्ती अभिनेता चिरंजीवी होता," पोनम्बलम यांनी शेवटचं 2022 मध्ये तमिळ चित्रपटात काम केलं होतं.