Stree 2 BO Collection : 100 कोटींपार पोहचला श्रद्धाचा स्त्री 2! तिसऱ्या दिवशी केली तुफान कमाई

श्रद्धा कपूर आणि राजकुमार राव यांचा स्त्री 2 हा सिनेमा बॉक्स ऑफिसवर तुफान कमाई करतोय. सिनेमानं तीन दिवसांतचं बॉक्स ऑफिस कलेक्शनमध्ये मोठा पल्ला गाठला आहे.

श्रद्धा कपूर आणि राजकुमार राव यांच्या 'स्त्री 2' चित्रपटाने शनिवारीही बॉक्स ऑफिसवर तुफान कमाई केली. विक्रमी ओपनिंग करणाऱ्या 'स्त्री 2' ने दुसऱ्या दिवशीही प्रचंड नफा कमावला.

श्रद्धा कपूर, राजकुमार, पंकज त्रिपाठी, अभिषेक बनर्जी, अपारशक्ति खुराना आणि तमन्ना भाटिया अशी तगडी स्टारकास्ट असलेला स्त्री 2 हा सिनेमा सध्या सर्वत्र चर्चेचा विषय ठरला आहे.

शनिवारीही चित्रपटगृहांमध्ये या चित्रपटाची जादू पाहायला मिळाली. स्त्री 2 ने तिसऱ्या दिवशी किती कोटी रुपये छापले ते पाहूया.

सैकनिल्क च्या रिपोर्टनुसार, श्रद्धा आणि राजकुमारच्या या हॉरर कॉमेडी चित्रपटाने रिलीजच्या तिसऱ्या दिवशी म्हणजे शनिवारी रात्री 10 वाजेपर्यंत 46 कोटींची कमाई केली आहे.

यासोबत 'स्त्री 2'चे एकूण कलेक्शन आता 137.70 कोटींवर पोहोचलं आहे. या चित्रपटानं तिसऱ्या दिवशीच बॉक्स ऑफिसवर 100 कोटींचा टप्पा गाठला आहे.

हॉरर कॉमेडी असलेला हा सिनेमा बॉक्स ऑफिसवर धुमाकूळ घालतोय. सिनेमानं पठाण, जवान सारख्या सिनेमांचे रेकॉर्ड मोडले आहेत.

15 ऑगस्टला स्त्री 2 सोबत अक्षय कुमार चा'खेल-खेल में' आणि जॉन अब्राहमचा 'वेदा' चित्रपटही प्रदर्शित झाला. पण श्रद्धाचा चित्रपट आणि अक्षय-जॉनच्या चित्रपटांच्या कलेक्शनमध्ये खूप फरक आहे.