Smoking Ban : विमानात धूम्रपानास बंदी, तरी आतमध्ये अॅशट्रे का ठेवतात? एअर होस्टेसचा धक्कादायक खुलासा

सध्याच्या काळात हवाई प्रवास करण्याला प्रत्येकाला आवडते. विमान प्रवासात सुरक्षिततेच्या अनेक पद्धती अवलंबल्या जातात. सुरक्षेसाठी अनेक नियम आवश्यक असतात. यापैकी एक म्हणजे विमानात सिगारेट न पिणे.

फ्लाइटमध्ये धूम्रपान करण्यास बंदी आहे. पण, एक गोष्ट तुमच्याही नजरेतून सुटली नसेल. विमानात धूम्रपान करण्यास मनाई आहे, तर टॉयलेटमध्ये अॅशट्रे का असते? एका फ्लाइट अटेंडंटने ह्याचं उत्तर दिलं आहे.

लोकांच्या मनात घोळत असलेल्या या प्रश्नाचे उत्तर ब्रिटनच्या एका फ्लाइट अटेंडंटने दिलं आहे. 1998 पासून यूकेच्या फ्लाइट्सवर धूम्रपानावर बंदी घालण्यात आली आहे.

पण आजही अनेक विमानांमध्ये, विशेषत: नवीन विमानांमध्ये, स्वच्छतागृहांमध्ये अॅशट्रे असल्याचे काही लोकांच्या लक्षात आले आहे. याचा अर्थ असा नाही की तुम्ही फ्लाइटमध्ये सिगारेट ओढू शकता. शौचालयांमध्ये अॅशट्रे असण्यामागे एक खास कारण आहे.

एअर होस्टेसने डेली एक्सप्रेसला हे गुपित सांगितले. ते म्हणाले की, मनाई असतानाही शौचालयात सिगारेट पेटवणारे काही महाभाग असतात. त्यांच्यावर कारवाई केली जाते. पण त्यांच्या पेटलेल्या सिगारेट विझवण्यासाठी अॅशट्रे बनवल्या जातात.

कोणी धूम्रपान करताना पकडले तर त्यांची सिगारेट कागदाने भरलेल्या डस्टबिनमध्ये टाकली जात नाही. या परिस्थितीला तोंड देण्यासाठी अॅशट्रे बनवले जातात. जेणेकरून कोणतीही दुर्घटना घडू नये.