ताप-सर्दी-खोकला झटक्यात दूर होईल, फक्त ही पानं पाण्यात उकळून घ्या वाफ; चेहऱ्यावरही येईल ग्लो!

बदलत्या हवामानामुळे आजारपणं वाढली आहेत. दिवसा कडक ऊन आणि रात्री थंडीमुळे लोक आजारी पडत आहेत. सर्दी, खोकला, फ्लू, ताप यांसारख्या आजारांनी लोक त्रस्त आहेत. अशा परिस्थितीत तुळशीचं एक पान या सगळ्यांशी लढण्यासाठी तुमच्यासाठी खूप उपयुक्त ठरू शकतं.

आयुष डॉक्टर डॉ. रस बिहारी तिवारी सांगतात की, लोक आजार टाळण्यासाठी तुळशीच्या पानांचा चहा, काढा आणि रस वापरतात, पण जर तुम्ही रोज तुळशीची वाफ घेतली, तर ती आरोग्यासाठी खूप फायदेशीर आहे.

आयुष डॉक्टरांनी सांगितले की, हिवाळ्यात अनेकदा लोकांचे नाक बंद होते, पण तुळशीची वाफ घेतल्याने बंद नाक आणि घसादुखी दूर होते आणि ती त्वचा आणि मानसिक आरोग्यासाठीही फायदेशीर ठरते. सायनससारख्या समस्यांमध्येही याची वाफ खूप उपयुक्त आहे. जर तुम्हाला सर्दी किंवा नाक बंद होण्याची समस्या वारंवार होत असेल, तर तुळशीची वाफ तुमच्यासाठी खूप फायदेशीर ठरू शकते.

त्यांनी पुडे सांगितले की तुळशीमध्ये नैसर्गिकरित्या अँटी-बॅक्टेरियल आणि अँटी-व्हायरल गुणधर्म असतात, जे बॅक्टेरिया आणि विषाणू नष्ट करण्यास मदत करतात. गरम पाण्यात तुळशीची पाने टाकून त्याची वाफ घेतल्याने फुफ्फुसात जमा झालेला कफ हळू हळू बाहेर पडू लागतो.

त्याचबरोबर तुळशीच्या पानांमुळे दमा आणि ब्राँकायटिससारख्या समस्यांमध्येही आराम मिळतो. यासोबतच चेहऱ्यावर जमा झालेली घाण साफ होते आणि सायनसमध्ये असलेली सूजही कमी होते.

आयुष डॉक्टर सांगतात की, तुळशीची वाफ त्वचेसाठीही खूप फायदेशीर आहे. जर तुमच्या चेहऱ्यावर डाग, पिंपल्स किंवा ब्लॅकहेड्स असतील, तर तुळशीची वाफ त्वचेला आतून स्वच्छ करते आणि पिंपल्स हळूहळू कमी होऊ लागतात.

तुळशीमध्ये अँटी-इंफ्लेमेटरी आणि अँटी-ऑक्सिडंट गुणधर्म असतात, जे त्वचेला मॉइश्चरायझ करतात तसेच तिचा ग्लो (चमक) वाढवतात. याशिवाय, याची वाफ तणाव कमी करण्यासाठीही प्रभावी आहे.