थंड की गरम, सकाळी उठल्यावर कोणते पाणी प्यावे? आरोग्यसाठी कोणतं ठरत फायदेशीर?

अनेक लोकांना सकाळी उठल्यावर आधी पाणी प्यायची सवय असते. काही लोकांना तर बेड टी किंवा कॉफीची देखील सवय असते.

ज्या लोकांना सकाळी उठल्यावर पाणी प्यायची सवय असते त्यांना, सकाळी उठल्यावर नेमकं कोणतं पाणी प्यावं हे माहिती आहे का? नसेल माहिती ते आम्ही सांगतो, जाणून घ्या सकाळी उठल्यावर थंड पाणी प्यावं की गरम.

बहुतेक जण आपली सकाळ एक ग्लास पाण्याने सुरू करतात. यामुळे, तुमच्या शरीरात साचलेली सर्व घाण मलाच्या मदतीने बाहेर पडते.पण पाणी गरम असो किंवा थंड, या प्रकरणाबाबत लोकांच्या मनात अजूनही गोंधळ आहे.

तुम्हीही तुमची सकाळ पाणी पिऊन करत असाल तर, पाणी थंड असावं की गरम हे पूर्णतः वातावरणावर अवलंबून असते. भारतात राहणाऱ्या लोकांसाठी सकाळी उठल्यावर गरम पाणी पिणे आरोग्यदायी मानले जाते.

यामुळे शरीरात अडकलेले सर्व विषारी पदार्थ मलाच्या मदतीने बाहेर पडतात आणि पचन प्रक्रिया सुधारते. हे डिटॉक्सिफिकेशनमध्ये देखील मदत करते. आयुर्वेदानुसार, सकाळी गरम पाणी पिणे अमृताच्या बरोबरीचे आहे.

पिण्याच्या पाण्याशी संबंधित लोकांच्या मनात अनेक प्रश्न असतात, त्याबद्दल जाणून घेऊयात.

जेवणानंतर किंवा जेवणापूर्वी किती वेळ पाणी प्यावे? आयुर्वेदानुसार, जर तुम्ही जेवण करण्यापूर्वी अर्धा तास आधी पाणी प्यायले तर ते तुमची पचनशक्ती मजबूत करते. पाणी पिण्याची ही पद्धत तुमच्यासाठी औषधासारखे काम करते. याशिवाय, जर तुम्ही जेवताना पाणी घोट घोट करून प्यायले तर हे तुमच्यासाठी अमृतसारखे काम करू शकते.

पण जर तुम्ही जेवताना 1 ते 2 ग्लास पाणी प्यायले तर ते तुमच्या आरोग्याला खूप नुकसान पोहोचवू शकते. याशिवाय, जेवणानंतर किमान अर्धा तासाने पाणी प्यावे.

पाणी उभे राहून प्यावे की बसून? नेहमी बसून पाणी प्या, घोट घोट करून प्या. खरं तर, जेव्हा तुम्ही बसून पाणी पिता तेव्हा ते तुमच्या पोटात जाते, काही काळ तिथेच राहते आणि नंतर हळूहळू लहान आतड्यात पोहोचते. हे पाणी तुमच्या पोटात आम्ल तयार होऊ देणार नाही आणि तुमची पचनशक्ती मजबूत राहील. टीप: वरील सर्व बाबी केवळ माहिती म्हणून वाचक-प्रेक्षकांपर्यंत पोहोचवत आहे. यातून News18 मराठी कोणताही दावा करत नाही. कोणताही उपाय अवलंबण्यापूर्वी डॉक्टरांच्या सल्ला घ्या.