Cooking Tips : कांदा भजी फार तेलकट होते? वापरा 4 सोप्या टिप्स, भजी जास्त तेल शोषणार नाही

भजी तळण्यासाठी तुम्ही कोणतं भांड वापरता हे सुद्धा महत्वाचं असत. भजी तळण्यासाठी जाड तळाच्या भांड्याचा वापर करावा. यामुळे तेलाचं तापमान स्थिर राहत आणि भजी जास्त तेल शोषून घेत नाही.

भजी तळताना तुम्ही कढईत तेल किती घेता हे सुद्धा महत्वाचं आहे. भजीसाठी तुम्ही किती प्रमाणात बेसनाचे बॅटर तयार केले आहे हे लक्षात घेऊन त्या प्रमाणे तेल कढईत गरम करा.  भजी तळण्यासाठी कमी तेल वापरलं तर तळताना तेल लवकर संपून जात.

तेल व्यवस्थित गरम व्हायला हवं, जर तेल नीट गरम झालं नसेल आणि तेवढयात तुम्ही त्यात भजी तळायला सुरुवात केलीत तर ती भजी जास्त तेल शोषून घेते आणि तेलकट होते.

भजी करण्यासाठी जे बेसनाचे बॅटर वापरले जाते ते तयार करताना योग्य प्रकारे साहित्यांचा वापर करणे महत्वाचे आहे. भजीसाठी बॅटर तयार करताना एका बाऊलमध्ये बेसनाचं पीठ घेऊन मसाले घालून मिक्स करावे. बेसनाचे बॅटर जास्त पातळ किंवा जाडसर असू नये याची काळजी घ्या. मग तेल गरम झालं की त्यात एक भजी टाकून त्याला बेसन चांगलं कोट होतंय की नाही हे पहा. जर बेसन भजीवर व्यवस्थित कोट होत नसेल तर बॅटरमध्ये दोन ते तीन थेंब तेल मिक्स करावे. यामुळे भजीला जास्त तेल शोषणार नाही.

भजी तेलातून बाहेर काढण्यासाठी झाऱ्याचा वापर करा. तेलातून बाहेर काढल्यावर भजी काहीकाळ टिशू पेपरवर ठेवा यामुळे भजीतील अतिरिक्त तेल निघून जाईल.