वजन कमी करायचंय? 100 कॅलरीजपेक्षा कमी असलेले 'हे' स्नॅक्स खा, पोट भरेल आणि वजनही घटेल! 

Snacks for weight loss : वजन कमी करण्याचा प्रवास सुरू करताच पहिली अडचण येते ती म्हणजे असे काय खावे ज्यामुळे वजन वाढणार नाही. आहार असा असावा की, शरीरातील पोषक तत्वांची कमतरता पूर्ण होईल आणि कॅलरीही कमी राहतील, ज्यामुळे शरीरात चरबी जमा होणार नाही.

या संदर्भात, न्यूट्रिशनिस्ट रिद्धिमा बत्रा यांनी काही अशा स्नॅक्सबद्दल माहिती दिली, ज्यात 100 कॅलरीपेक्षा कमी कॅलरी आहेत आणि ते ग्लूटेन फ्री देखील आहेत. हे हेल्दी आणि टेस्टी आहेत आणि ते खाल्ल्याने भूकही शांत होते. चला तर मग जाणून घेऊया शरीरातील कॅलरीचे प्रमाण कमी करताना आणि आपली फिटनेस टिकवून ठेवताना आपण आहारात कोणते स्नॅक्स समाविष्ट करू शकतो...

ब्लूबेरीज (Blueberries) : भूक लागल्यास एक कप ब्लूबेरीज खा. यामुळे तुमच्या शरीरातील कॅलरी नियंत्रित राहण्यास मदत होते. जर तुम्ही 1 कप बेरीज खाल्ल्या तर तुमच्या शरीरात फक्त 100 ग्रॅम कॅलरी जातील.

केळी (Banana) : भूक शमवण्यासाठी तुम्ही एक छोटे केळ खाल्ले तर ते तुमच्या शरीराला पोषण तर देईलच, पण निरोगी राहून तुम्ही तुमचे वजनही नियंत्रणात ठेवू शकाल.

संत्रे (Orange) : हे फळ तुमचे वजन कमी करण्यातही मदत करू शकते. यासाठी दररोज एक संत्रे खा. यामध्येही 100 कॅलरीपेक्षा जास्त कॅलरी नसतात.

सफरचंद (Apple) : पोट भरण्यासाठी आणि भूक मारण्यासाठी तुम्ही एक सफरचंद खाऊ शकता. आम्ही तुम्हाला सांगतो की, एका सफरचंदात 100 कॅलरीपेक्षा जास्त कॅलरी नसतात.

रताळे (Sweet Potato) : जर तुम्हाला रताळे खायला आवडत असतील, तर रताळे खाणे चांगले राहील. मध्यम आकाराचे रताळे खाल्ल्यास तुमचे पोट भरेल आणि भूकही शांत होईल. याशिवाय, ते शरीराला पोषणही देईल.

अंडी (Egg) : जर तुम्हाला प्रोटीन आवडत असेल आणि सकाळी अंडी खायला आवडत असतील, तर आम्ही तुम्हाला सांगतो की एक अंडे खाल्ल्याने तुमचे वजन वाढणार नाही. त्यामुळे भूक लागल्यास तुम्ही एक अंडे खाऊ शकता.

गाजर (Carrots) : दिवसाला 4 गाजर खाल्ले तरी तुमच्या शरीरात फक्त 100 ग्रॅम कॅलरी जमा होतील. तर ते डोळे निरोगी ठेवण्यास मदत करू शकते. वजन न वाढवता पोट भरलेले ठेवू शकते.

बदाम (Almonds) : भूक लागल्यास तुम्ही 1 किंवा 2 नव्हे तर 14 बदाम खाल्ले तरी तुमचे वजन वाढणार नाही. तुम्ही ते तुमच्या आहारात सकाळचा किंवा संध्याकाळचा स्नॅक म्हणून समाविष्ट करू शकता.