When To Eat Rice : वजन कमी करायचं असेल तर 'या' वेळी चुकूनही खाऊ नका भात; पाहा योग्य वेळ

तांदूळ जितका आरोग्यदायी आहे तितकाच तो स्वस्त आहे. परंतु तांदूळ खाण्याची योग्य वेळ आणि प्रमाण याबाबत माहिती नसल्याने बहुतांश लोकांना लठ्ठपणा, रक्तातील साखरेचे प्रमाण वाढणे, उच्च कोलेस्ट्रॉल यांसारख्या समस्यांना तोंड द्यावे लागते.

अनेकदा <a href="https://news18marathi.com/photogallery/lifestyle/health-tips-eating-rice-will-not-increase-sugar-and-weight-just-cook-rice-in-this-way-mhpj-1184691.html">भात खाण्याबाबत अनेक शंका</a> निर्माण होतात की रात्री भात खावा की नाही. avogel.co.ukमध्ये प्रसिद्ध झालेल्या एका बातमीनुसार, समस्या भात खाण्यात नसून तो चुकीच्या वेळी खाण्यात आहे.

शरीरासाठी उपयुक्त असलेले कोणतेही अन्न खाण्यासाठी वेळ निश्चित असणे गरजेचे आहे. कोणतेही अन्न खाताना तुम्ही योग्य प्रमाणात किंवा वेळेची काळजी घेतली नाही तर तुमच्या आरोग्याला फायदा होण्याऐवजी नुकसान होऊ शकते.

तुम्ही <a href="https://news18marathi.com/photogallery/lifestyle/weight-loss-tips-just-do-these-household-work-and-burn-fat-easily-no-need-for-hard-workout-mhpj-1187176.html">वजन कमी</a> करण्याच्या प्रक्रियेत असाल तर भाताचे सेवन करू नका. याशिवाय तुम्ही भात खात असाल तर रात्री फक्त ब्राऊन राईस खा, त्यामुळे तुम्हाला कार्ब्सऐवजी फायबर मिळेल. याद्वारे तुम्ही तुमच्या संपूर्ण आहारात जास्त प्रमाणात प्रथिने मिळवू शकता.

भात खाण्यासाठी नेहमी दिवसाची वेळ निवडा. तांदूळ आपल्याला ऊर्जा पुरवतो. अशा परिस्थितीत दिवसा खाल्लेला भात आपल्याला ऊर्जा देईल. भातामध्ये असलेले कार्बोहायड्रेट्स आपल्याला शक्ती देण्याचे काम करतात.

दिवसभरात खाल्लेला भात सहज पचतो. लघवीशी संबंधित समस्या दूर करण्यासाठीही भात गुणकारी आहे. तांदूळ त्वचा आणि केसांसाठी देखील फायदेशीर आहे. भात पोटासाठी खूप फायदेशीर आहे. भात सहज पचतो, त्यामुळे त्याचा फार त्रास होत नाही.

(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)