Latur News : लातुरात फुगे भरायच्या सिलेंडरचा स्फोट, एकाचा जाग्यावर मृत्यू, 12 जण जखमी, घटनेचे भयंकर PHOTO

लातूर शहरातील तावरजा कॉलनी इस्लामपुरा भागात फुगे भरणाऱ्या गॅसचा स्फोट झाला.

या स्फोटात फुग्यात गॅस भरणाऱ्या रामा नामदेव इंगळे या 49 वर्षीय इसमाचा जागीच मृत्यू झाला तर 12 वर्षाखालील 12 लहान मुले जखमी झाले आहेत.

जखमींना उपचारासाठी लातूरच्या विलासराव देशमुख शासकीय वैद्यकीय महाविद्यालयाच्या रुग्णालयात दाखल करण्यात आलं आहे. जखमीपैकी दोघांची प्रकृती गंभीर असल्याची माहिती समोर आली.

फुग्यामध्ये गॅस भरताना सायंकाळच्या सुमारास झाला स्फोट झाल्याचं येथील नागरिकांनी सांगितलं.

अपघातात दोन लहान मुलांची प्रकृती गंभीर असल्याचं प्रभारी अधिष्ठाता, स्व. विलासराव देशमुख शासकीय वैद्यकीय महाविद्यालय, लातूर यांनी सांगितलं आहे.