Eknath Shinde : नातवाच्या हट्टासाठी मुख्यमंत्रीही झाले तयार; शिंदे कुटुंबाचं अनोखं होळी सेलिब्रेशन, PHOTOS

धुलीवंदनाच्या निमित्ताने आज मुख्यमंत्री एकनाथ शिंदे यांच्या ठाणे येथील शुभ दीप या निवासस्थानी त्यांनी कुटुंबीयांच्या साथीने धुलीवंदनाचा सण साजरा केला.

यावेळी लाडका नातू रुद्रांशच्या साथीने पर्यावरणपूरक नैसर्गिक रंगांची उधळण करत त्यांनी आणि समस्त शिंदे कुटुंबीयांनी मनसोक्त धुळवड साजरी केली.

यावेळी त्यांची पत्नी लता शिंदे, मुलगा खासदार डॉ. श्रीकांत शिंदे, सून वृषाली शिंदे तसेच नातू रुद्रांश आणि घरातील कर्मचारी सहभागी झाले होते.

मुख्यमंत्री एकनाथ शिंदे यावेळी आजोबांच्या रोलमध्ये पाहायला मिळाले. ते सर्व विसरून आपल्या नातवासोबत रंग खेळले.

आजोबा आणि नातवाची ही होळी पाहून उपस्थितही खूप आनंद झालेले पाहायला मिळत आहे.

राज्यात धुळवडीचा आनंद जल्लोषात साजरा केला जात आहे. शहरात अभिनेते, कलाकारांना बोलावून मोठमोठ्या कार्यक्रमाचे आयोजन करण्यात आले आहे.

सोसायट्यांमधून लहान मुले, कुटुंब रंग खेळण्यात दंग झाल्याचे दिसून आले आहे. तर ऐन निवडणुकीच्या मुहूर्तावर एक दिवस प्रचाराला आराम देऊन राजकीय नेत्यांनी धुळवडीचा आनंद लुटला आहे.

अनेक ठिकाणी राजकीय नेत्यांनी वैर विसरुन एकमेकांना रंग लावत होळीचा आनंद लुटला.