Uddhav Thackeray: उद्धव ठाकरे समोर आले अन् एकनाथ शिंदेंनी गडबडले, नंतर सगळेच हसले PHOTOS

तीन वर्षांपूर्वी शिवसेनेतून बाहेर पडून भाजपसोबत हातमिळवणी करणारे उपमुख्यमंत्री एकनाथ शिंदे आज पहिल्यांदाच पक्षप्रमुख उद्धव ठाकरे यांच्यासमोर आले, पण साहजिकच यावेळी आता नेमकं करावं तरी काय, अशी अवस्था एकनाथ शिंदेंची झाली. चष्म्याला हात लावून शिंदे यांनी उद्धव ठाकरे यांच्या नजरेला नजर भिडवण्याचं टाळलं, निमित्त होतं अंबादास दानवे यांच्या निरोप समारंभाचं. विशेष म्हणजे, या फोटो सेशननंतर मुख्यमंत्री फडणवीस यांनी मिलिंद नार्वेकर यांची पाठ थोपटून शाब्बासकी दिली.

विधान परिषदेचे विरोधी पक्षनेते अंबादास दानवे विधान परिषदेतून निवृत्त झाले आहेत. सभागृहात भाषणानंतर प्रथा परंपरेप्रमाणे निवृत्त सदस्य तसेच विरोधी पक्षनेत्यांसोबत फोटो काढतात. यावेळी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, विधानसभेचे अध्यक्ष राहुल नार्वेकर, विधान परिषदेचे सभापती प्रा. राम शिंदे, उपसभापती नीलम गोऱ्हे, विधानसभेचे उपाध्यक्ष अण्णा बनसोडे, ज्येष्ठ मंत्री तथा विधान परिषदेचे सदस्य उपस्थित होते

सुरुवातील फोटोसेशन मंत्र्यांसोबत झालं, त्यानंतर ठाकरे गटाचे पक्षप्रमुख उद्धव ठाकरे यांची एंट्री झाली. मुळात त्यांच्यासोबत फोटो काढण्यासाठी दानवे वाट पाहत होते.

उद्धव ठाकरे जसे समोर आले, त्यानंतर समोरच्या रांगेत उपमुख्यमंत्री अजित पवार, विधासनभा अध्यक्ष राहुल नार्वेकर, मुख्यमंत्री देवेंद्र फडणवीस, त्यांच्या बाजूला राम शिंदे आणि उपमुख्यमंत्री एकनाथ शिंदे बसलेले होते. उद्धव ठाकरे समोरून येताच सर्व नेते उभे राहिले, मुख्यमंत्री फडणवीस यांनी उद्धव ठाकरेंना राम शिंदेंच्या बाजूला बसण्याचा इशारा केला.

पण राम शिंदेंच्या बाजूलाच एकनाथ शिंदे उभे होते, उद्धव ठाकरे पुढे चालत गेले, त्यावेळी एकनाथ शिंदे यांनी चष्म्याला हात लावला आणि ठाकरेंच्या नजरेला नजर भिडवण्याचं टाळलं.

त्यानंतर उद्धव ठाकरे हे नीलम गोऱ्हे यांच्या शेजारी गेले, आता तिथेही अडचणच होती. पण भाजपचे नेते चंद्रशेखर बावनकुळे यांनी आपली जागा उद्धव ठाकरेंना दिली, त्यामुळे आता पर्याय नसल्यामुळे उद्धव ठाकरे हे नीलम गोऱ्हे यांच्या शेजारी बसले.

तब्बल ३ वर्षांपूर्वी उद्धव ठाकरे यांची साथ सोडून गेलेले एकनाथ शिंदे आणि नीलम गोऱ्हे हे पहिल्यांदाच एकाच फ्रेममध्ये कैद झाले. पण, फ्रेम जरी एकच असली तरी यामध्ये पराकोटीचा दुरावा होता.

जेव्हा फोटोसेशन झालं तेव्हा एकनाथ शिंदे हे हसत हसत उठले, उद्धव ठाकरे यांच्याकडे न पाहत तसेच पुढे निघून गेले. मात्र, नीलम गोऱ्हे यांनी उद्धव ठाकरे यांच्याशी संवाद साधला.

तर दूसरीकडे उपमुख्यमंत्री एकनाथ शिंदे यांनी फोटो सेशन झाल्यानंतर शिवसेना ठाकरे गटाने आमदार आणि उद्धव ठाकरे यांचे अत्यंत विश्वासू सहकारी मिलिंद नार्वेकर यांच्या पाठीवर दोन तीन वेळा थाप मारून शाबासकी दिली. त्यामुळे उपस्थितांच्या भुवया उंचावल्या.