400 रुपयांची गुंतवणूक करुन मिळवा 20,00000 रुपये, Post Office ची जबरदस्त स्कीम, बँकेलाही टाकेल मागे

गुंतवणुकीचा विचार करताना आपण नेहमी अशा पर्यायाच्या शोधात असतो जिथे पैसा सुरक्षित राहील आणि रिटर्न्सही चांगले मिळतील. अशा वेळी पोस्ट ऑफिसच्या योजना सर्वात विश्वासार्ह ठरतात. सध्या पोस्टाची 'रिकरिंग डिपॉझिट' योजना चर्चेत आहे. ही योजना बँकेपेक्षा जास्त रिटर्न्स देते. त्यामुळे या योजनेतील पैसे सुरक्षित आणि जास्त रिटर्न देणारे आहेत.

पोस्ट ऑफिस आरडीवर सध्या ६.७०% इतका वार्षिक व्याजदर दिला जात आहे. या योजनेचे वैशिष्ट्य म्हणजे तुम्ही महिन्याला केवळ १०० रुपयांपासूनही गुंतवणुकीला सुरुवात करू शकता. दर तीन महिन्यांनी सरकार या व्याजदरांचा आढावा घेत असते.

जर तुम्ही दररोज ४०० रुपयांची बचत केली, तर तुमची महिन्याची गुंतवणूक १२,००० रुपये होते. १. ५ वर्षांची मॅच्युरिटी दरमहा १२,००० रुपये ५ वर्षांसाठी गुंतवल्यास, तुम्हाला मुदतीनंतर ८,५६,३८८ रुपये मिळतात.

हीच योजना जर तुम्ही पुढील ५ वर्षांसाठी वाढवली (एकूण १० वर्षे), तर तुमची एकूण गुंतवणूक १४.४० लाख रुपये होते. मात्र, व्याजासह १० वर्षांनंतर तुमच्या हातात २०,५०,२४८ रुपये इतका मोठा निधी येतो. यात तब्बल ६.१ लाख रुपये हे केवळ व्याजाचे असतात.

१० वर्षांच्या मुलांसाठीही खाते उघडता येतं. १० वर्षांवरील मुले पालकांच्या देखरेखीखाली हे खाते उघडू शकतात. १८ वर्षे पूर्ण झाल्यावर ते स्वतः हे खाते हाताळू शकतात. खाते सुरू होऊन एक वर्ष पूर्ण झाले की, तुम्ही जमा असलेल्या रकमेच्या ५०% कर्ज घेऊ शकता. या कर्जावर व्याजाचा दर फक्त २% असतो.

गरज भासल्यास ३ वर्षांनंतर तुम्ही हे खाते बंद करू शकता. तसेच खातेदाराच्या मृत्यूनंतर नॉमिनी या रकमेवर दावा करू शकतो. तुमच्या जवळच्या कोणत्याही पोस्ट ऑफिसमध्ये जाऊन तुम्ही हे खाते उघडू शकता आणि आपल्या भविष्यासाठी एक भक्कम आर्थिक सुरक्षा कवच तयार करू शकता.