Multibagger Stock: 8 रुपयांचे झाले 1500, 1 लाख गुंतवणाऱ्यांना केलं करोडपती, कोणता हा स्टॉक?

तुम्हाला विश्वास बसणार नाही पण संयमाचं फळ सर्वात मोठा नफा असतो, हे सत्य जेवढं प्रत्यक्ष आयुष्यात खरं आहे तितकंच स्टॉक मार्केटसाठी देखील खरं आहे बरं का. भारतीय शेअर मार्केटमध्ये सध्या पेनी स्टॉकने धुमाकूळ घातला आहे. असे काही पेनी स्टॉक्स आहेत ज्यांनी आपल्या गुंतवणूकदारांना मल्टीबॅगर रिटर्न देऊन मालामाल केलं आहे. पण काही शेअर्स असे असतात, जे अतिशय कमी काळात आश्चर्यकारक रिटर्न देतात.

असाच एक छुटकू म्हणजेच पेनी स्टॉक चर्चेत आला आहे. तो म्हणजे जिंदल फोटो लिमिटेडचा. या स्टॉकने ५ वर्षांपूर्वी ज्यांनी फक्त १ लाख रुपये गुंतवले, त्यांना आता करोडपती बनवलं. जिंदल फोटोचा हा शेअर गुंतवणूकदारांसाठी अक्षरशः पैसे छापणारे मशीन ठरला आहे.

केवळ पाच वर्षांत या शेअरची किंमत ८ रुपयांवरून थेट १५२० रुपयांच्या पातळीवर पोहोचली आहे. ३ एप्रिल २०२० रोजी या पेनी स्टॉकची किंमत फक्त ८.१५ रुपये होती, पण ५ डिसेंबर २०२४ रोजी हा शेअर १ टक्क्यांहून अधिक वाढीसह १५२०.२० रुपयांवर बंद झाला आहे.

८ रुपयांवरून १५०० रुपयांच्या पार पोहोचलेल्या या शेअरने आपल्या गुंतवणूकदारांना तब्बल १८,५५२ टक्क्यांहून अधिक मल्टीबॅगर परतावा दिला आहे. जर आपण या परताव्याचे आकडे पाहिले, तर ज्या व्यक्तीने ५ वर्षांपूर्वी या शेअरमध्ये १ लाख रुपयांची गुंतवणूक केली असेल आणि ती आजपर्यंत टिकवून ठेवली असेल, तर त्याचे १ लाख रुपये आता १.८६ कोटी रुपयांपेक्षा जास्त झाले असतील.

म्हणजे, एका रात्रीत नाही, पण केवळ पाच वर्षांत हे गुंतवणूकदार करोडपती बनले आहेत. २०२० एप्रिल : ८ रुपये, २०२१ जानेवारी : २५ रुपये, २०२१ डिसेंबर : २५३ रुपये, २०२२ डिसेंबर : ३४८ रुपये, २०२३ डिसेंबर : ५९४ रुपये, २०२४ डिसेंबर: ९२६ रुपये अशा किंमत वाढत गेली आहे.

जिंदल फोटो लिमिटेड कंपनीचा मार्केट कॅपिटल सध्या १५६० कोटी रुपये आहे. कंपनीची स्थापना १९८६ मध्ये झाली होती आणि ती प्रामुख्याने फोटोग्राफिक बिझनेस सेक्टरमध्ये एक मोठे नाव आहे. विशेष म्हणजे, त्यांचे 'कोडक' आणि 'फूजीफिल्म'सारखे ब्रँड्स ग्राहकांमध्ये खूप लोकप्रिय आहेत. एका छोट्या कंपनीने शेअर बाजारात केलेला हा मोठा 'धमाका' अनेकांना अचंबित करून गेला आहे.

शेअर मार्केटमध्ये गुंतवणूक करणे जोखमीचे आहे. कोणतीही गुंतवणूक करण्याआधी तुमच्या तज्ज्ञांचा सल्ला घ्या. कोणत्याही नफ्या तोट्यासाठी न्यूज 18 मराठी जबाबदार राहणार नाही. तुम्ही गुंतवणूक करण्याआधी तुमच्या तज्ज्ञांचा सल्ला घ्या.