Mumbai Traffic : मुंबईच्या वेस्टर्न एक्सप्रेस हायवेवर दीड तासापासून वाहतूक कोंडी,वाहनांच्या लांबच लांब रागा, पाहा PHOTO

मुंबईच्या वेस्टर्न एक्सप्रेस हायवेवर प्रचंड मोठी वाहतूक कोंडी झाल्याची घटना घडली आहे. त्यामुळे वाहनाच्या लांबच लांब रागा लागल्या आहेत.

वेस्टर्न एक्सप्रेस हायवेवरून वांद्रे कडून अंधेरीच्या दिशेने जाणाऱ्या मार्गावर ही वाहतुक कोंडी झाली आहे. मागील एक ते दीड तासापासून मोठी वाहतूक कोंडी निर्माण झाली आहे.

वांद्रे, खेरवाडी, वाकोला, विलेपार्ले, अंधेरी या सर्व परिसरात रस्त्यावर वाहनांचा लांबच लांब रांगा पाहायला मिळत आहे.

रस्त्याच्या क्षमतेपेक्षा जास्त गाड्या पश्चिम द्रुतगती महामार्गावर उतरल्यामुळे ही मोठी वाहतूक कोंडी निर्माण झाल्याची माहिती आहे.

वांद्रे ते अंधेरी हा साधारण अर्धा तासाचा प्रवास आहे, मात्र याच प्रवासासाठी वाहन चालकांना दीड ते दोन तास प्रवास करावा लागत आहे.

खरं तर संध्याकाळची वेळ आहे,त्यात मोठ्या संख्येने चाकरमानी कामातून सुटून घरी निघाले आहेत. त्यामुळे या वाहतूक कोंडीमुळे त्यांना मोठा त्रास त्यांना सहन करावा लागत आहे.

दरम्यान दुसऱ्या बाजूने ही वाहतूक कोंडी कमी करण्यासाठी वाहतूक पोलिसांकडून देखील युद्ध पातळीवर प्रयत्न केला जात आहे.